.jpg)
قندزو ولایتینینگ اوقووچیلری ینگی ییلنی ولایت قیتهدن قوراللی طالبلر اشغالیگه اوتیش قورقیشی بیلن باشلهگنلر.
ولایتنینگ قطار اوقووچیلریگه کوره، اوروشدن یامان خاطرهلری بار، مکتب باریش بیلن بیرگه هنوز هم جنگری طالبلر بیلن افغان ملی کوچلری اورتهسیده جنگ یوز بیریش تشویشی موجود.
اوتگن ییل، میزان آییده قندوز جنگری طالبلر اشغالیگه اوتگنی سبب مذکور اوقووچیلر درس تعلیم دن بهرهسیز قالگن ایدیلر.
اما، ولایت معارف ادارهسینینگ سرپرستی رستم خان اکبرینینگ سوزلریگه کوره، ولایت بولیب 497 مکتبنینگ بیرچهسی اوقووچیلر یوزیگه آچیق. او، بو بارهسیده هیچ قندهی تشویش یوق دیگن.
قندوز معارف ادارسینینگ سرپرستی، جاری ییل 300 مینگ اوقووچی رویخطگه آلینیشی کوتیلردی؛ بیراق نابرقرارلیکلر همده اهالی باشقه ولایتلرگه قاچگنی سبب هنوزگچه 20 مینگ ینگی اوقووچی رویخطگه آلینگن دیگن.
.jpg)
قندوز ولایتینینگ معارف سرپرستی، ولایت معارف ادارهسینینگ قرشیسیده بولگن ییریک معما 270 مکتب نینگ زمانوی بناسی بولمهگن لیگی دیگن. ولایت سرپرستی، اوقووچیلرنینگ کته قسمی خیمه یا ده آچیق فضاده درس اوقییشلرینی تیلگه آلگن.
ولایت سرپرستی، جاری ییلده 45 مکتبنینگ بناسی ینگیدن قوریلیشینی بیلدیرگن. اما، اوتگن ییل مذکور ولایت قوراللی طالبلر اشغالیگه اوتگنی اوچون هنوزهم خلق ایچیده جدی خواطرلر بار.
اما، ولایت والیسی اسدالله عمرخیل، اوشبو ولایت قیتهدن جنگری طالبلر اشغالیگه اوتمسلیگی حقیده اهالیگه ایشانچ بیرگن. اونگه کوره، ولایتده افغان ملی کوچلری دییرلی تیارگرلیک کورگنلر.
ولایتده حربی بلند مرتبهلی رسمیلر، قندوز بوتونلی قوراللی طالبلردن تازهلنیشی اوچون ییریک حربی عملیات اوتکزیلیشی حقیده خبر بیرگن بولسه لر- ده؛ لیکن، اوقووچیلر و ولایتنینگ تینچ اهالیسی بوندهی حربی عملیاتلرگه نسبتن ایشانچلرین قولدن بیرگنلر.
