بغلان ولایتیده برق سباستیشنینی اورنهتیش ایشی باشلندی. بو سباستیشننی اورنهتیش لایحهسی 42 میلیون دالر خَرجت کوتارهدی. بونینگ مالی امکانیتی آسیا ترقیات بانکی تامانیدن تولهنیلهدی.
افغانستان سوو برق وزیرلیگی نینگ مسووللری، اوشبو سباستیشن 500 کیلووات برق ایشلب چیقاریش کوچیگه ایگه دیگنلر. اوشبو اولکن دستگاه 360 جریب ییرنی قمرهگن کینگلیکده قوریلهدی دیگن رسمیلر.
ترکمنستاندن آلیب کیلینه دیگن مذکور سباستیشننینگ برقی، بغلان و کابلگه قوشنی ولایتلرگه ترقهتیب بیریلیشی ایتیلهدی.
سوو برق وزیرلیگی نینگ مسووللریدن مهندس عبدالبشیر، مذکور برق سباستیشنی بغلان ولایتی مرکزی پلخمری شهرینینگ خواجهالوان منطقهسیده هندوستانلیک مهندسلر تامانیدن ایکّی ییلده قوریلیشی انابتگه آلگن لیگینی سلاموطندارگه ایتگن.
جناب بشیر، اوزبیکستان و تاجیکساندن کابلگه آلیب کیلینگن برق قیین چیلیک بیلن دوچار بولگن حالده، پایتخت خلقی قَرانغوده قالمس لیگی اوچون مذکور سباتیشندن کومک آلیش ممکن دیدی.
بغلان ولایتینینگ والیسی عبدالستار بارز، اوشبو ییریک لایحه نینگ ایشی باشلهنیشی بیلن چمهسی 100 مینگ کیشی ایش ییری بیلن تامین بولیشلری توغریسیده امید بیلدیرگن.
شونینگدیک کیلگوسی 15 کون ایچیده مرکزی بغلانده اورنهتیلگن باشقه بیر سباستیشن هم فایدهلهنیشگه تاپشیریلیشی کوتیلهدی. مذکور سباستیشننی اورنهتیش ایشی بوندن اوچ ییل آلدین 18 میلیون دالر خَرجت کوتاریش بیلن باشلنگندی.
