اداری فسادگه قرشی کورهش ایشلری بوییچه تیکشیریش و نظارت قیلیش قوشمه و ایرکین کمیته یا-ده میک، بوگون سهشنبه «ایچکی ایشلر وزیرلیگیده اداری فساد زیانلرینی تیکشیریش» نامیده ینگی گزارشینی نشر قیلدی.
میک کمیتهسینی باشلیغی باری سلامنینگ ایتیشیچه، اوشبو تیکشیروودن مقصد ایچکی ایشلر وزیرلیگیده تدارکات، لوجستیک و انسانی منبعلر بولیملریده بولگن اداری فساد زیانلرینی تانیش دیر.
میک باشلیغی گه کوره، اوشبو تیکشیروونینگ کورستیشیچه، تدارکات بولیمیده حاضرگه قدر ستندرد تفصیلی ریجه بولمهگن و شرطنامهلر توغری مدیریت بولمهیدی و شونینگدیک دواطلبلیکلر تفصیلی نی قولگه کیلتیریش اوچون رسمیلر تامانیدن باسیملر بار.
باری سلام ایچکی ایشلر وزیرلیگی لوجستکی ساختاری چیگللیگی نی اوشبو وزیرلیک نینگ کتته قیینچلیگیدیب و سوءاستعمال گه زمینه یرهتیشی ممکن دیدی. اونگه کوره، کینگش نمایندهلری، سیاستچیلر و پولیس نینگ سابق افسرلری ایچکی ایشلر وزیرلیگی امکانیتلریدن استعمال قیلهدی.
اونینگ کوپهیتیریشیچه، ایچکی ایشلر سابق وزیری اوشبو وزیرلیک نینگ 70 موتری تیگیشلی بولمهگن کیشیلر قولیگه دیگن ایدی؛ بیراق اوشبو وزیرلیک نینگ لوجستیک ریاستی یالغیز 36 موترنینگ رویخطی نی ترقتگن.
باری سلام نینگ ایتیشیچه، اولرنینگ تدقیقاتی نی کورستیشیچه، ایچکی ایشلر وزیرلیگی نینگ انسانی منبعلر بولیمیده هم قیینچلیکلر موجود. اونگه کوره، قطار قومندانلر و رسمیلر ایچکی ایشلر وزیرلیگی نینگ پولیس و ایشلاوچیلرینی استخدامی گه اَرهلشهدی و استخدام رقابتی شکلده عمل گه آشیریلمهیدی.
شو توغریده:
ایچکی ایشلر وزیرلیگینینگ تقاعد بولگن افسرلری آیلرچه حقوق کوتهدیلر
«ایچکی ایشلر وزیرلیگی پوللرینی بیرمهگن صورتده، اوزلرینی اوتگه تارتهدی»
ایچکی ایشلر وزیرلیگیده 4.5 میلیارد افغانی حیفمیل قیلینیشی آلدی آلیندی
اداری فسادگه قرشی کورهش ایشلری بوییچه تیکشیریش و نظارت قیلیش قوشمه و ایرکین کمیته اعضاسی اجمل شاکرنینگ ایتیشیچه، برچه شرکتلر و دواطلبلرگه تینگ معلومات ارائه قیلیش، ییللیک تیکشیروو میکانیسم ایجاد ایتیلیشی و ایچکی ایشلر وزیرلیگی ایشلاوچیلری نینگ ترفیعلری مذکور کمیتهنینگ ایچکی ایشلر وزیرلیگی گه قیلگن تکلیفلریدن دیر.
اونگه کوره، اوشبو وزیرلیک نینگ ملکی استخدام قیلیش بولیمیده ملکی خدمتلر قانونی بوتونلی عملی بولیشی کیرهک.
ایچکی ایشلر وزیرلیگیده آنلاین سیستم ایجاد ایتیلیشی، بار نیرسهلرنی رویخطی بیلن توغری بیر سیستم ایجاد ایتیلیشی و مذکور وزیرلیک نینگ برچه موترلری گه جیپیاس نصب قیلینیشی میک نینگ باشقه قیلگن تکلیفلریدن دیر.
