.jpg)
افغانستان ملی بیرلیک حکومتی، 28- اسد مملکت مستقللیگی نشانلنیشی اوچون کوپ خرجتلی و جوشقین برنامهلرنی قولگه آلگن. بو آرهدن نیچه ترانه معارف اوچون بولگن و بو ترانهلر 20 میلیون افغانی دن آرتیق خرجت کوترهدی.
ملی بیرلیک حکومتی معارف گه تیگیشلی 4 ترانه توزهتیلیشی اوچون مملکت نینگ 34 ولایتیدن تورلی قوملر و تبارلردن 800 دن آرتیق قیز و اوغیل نی کابل گه چقیرگن و بو آرهدن 100 تهسی ترانهلرنی تیارلش اوچون سیلنهدی.
افغانستان یازووچیلریدن بیری و بیشیک بالهسی ادبیات گروهی اعضاسی حضرت وهریزنینگ ایتیشیچه، معارف گه تیگیشلی تورت ترانه توزهتیلیشی اوچون 20 میلیون افغانی خرجت کوتریش خبری اونینگ ایسی گه آچدن سورهلگن سوراقنی توشیرهدی. اونینگ ایتیشیچه: «کونلردن بیر کون آچدن سورهلهدی ایکی جمع ایکی نیچه بولهدی؟ آچ توختهلمسدن جواب بیرهدی، تورت نان.» اوشبو یازووچی گه کوره، بو خبرنی ایشیتگنیدن سونگ، بو 20 میلیون افغانی گه بالهلر اوچون 500 مینگ جلد کتاب بولیشی ایلنهدی.
شونینگدیک، باشقه بیر یازووچی و شاعر بنفشه بهار، نیچه ترانه اوچون بوندهی کته مبلغ صرفلهنیشی نی معارف، اوقیتووچیلر، تقاعدلر، یتیملر و اوروش میدانیده هلاک ایتیلگن عسکرلرنینگ عایله اعضالری نینگ حقی گه کته جفا بیلیب ایتیشیچه، معارف وزیرلیگی بو ایشی توغریسیده جواب بیریشی کیرهک.
خانم بهارگه کوره، معارف وزیرلیگی نینگ سونگی ایشلری نمایشی، معارف بودجهسینی تالان قیلیش و یشاوچیلرنینگ کوزی گه توپراق اوریش بولگن.
.jpg)
بیراق، معارف وزیرلیگی سوزلاوچیسی نوریه نزهت، بونچه پول قندهی بیر شکلده صرفلهنیشیدن بولگن تنقیدلرگه جواب اوز فیسبوک صحیفهسیده یازیشیچه، اوقووچیلرگه یالغیز مکتب، کتاب، قلم و کتابچه کیرهک ایمس، بلکیم استعدادلری هم تانیلیشی لازم. اوشبو یازوونی بیر قسمی ده اونینگ ایتیشیچه، مکتب دن فارغ بولگنلرنینگ برچهسی مملکت کیلهجگی اوچون داکتر یا-ده انجنیر بولیشی توغریسیده قرار قیلینمهگن.
خانم نزهت گه کوره، باشقه مملکتلر اوقووچیلرنینگ استعدادلرینی تانیش و بیلگیلرینی آشیریش اوچون کوپ خرجت بیلن اولرنی سفرگه یوباریشهدی، بیراق افغانستان اوقووچیلری مالی امکانیت یوقلیگی باعث، بو موضوعلردن محروم قالیشهدی.
شونینگدیک، معارف وزیرلیگی سوزلاوچیسی نینگ یازیشیچه، اوشبو اوقووچیلر کابل ده بولگن چاغلریده 34 ولایت نینگ مدنیتی و تورلی رسمورواجلرگه آشنا بولیشگن و بو برنامه علمی سیر کبی ایدی.
عین حالده، اجتماعی ترماقلرده ترقهتیلگن معلومات ده معارف ترانهلری توزه تیلیشی اوچون 50 میلیون افغانی اجرهتیلگن دییلهدی، بیراق حاضرچه بو مبلغ رسمی شکلده تصدیقلنمهگن.
شو توغریده…
فاریاب یشاوچیلری مستقللیک مناریده امانالله خان نینگ صورتی چیزیلیشی گه قرشیلیک بیلدیریشگن
