آواز بیرووچیلرنی رویخطگه آلیش و کیملیک ترقهتیش مرکزلردن کوپینچهسی مکتبلرده بولگنی باعث، عایلهلر فرزندلرینینگ خوفسیزلیگی توغریسیده خواطرلنماقده. اوتگن کون دشتبرچیده مذکور مرکزلردن بیری خودکش هجوم گه دوچ کیلدی و نتیجهده 30 دن آرتیق کیشی هلاک و باشقه 50 کیشی یرهلندی.
اوشبو واقعه سبب دشتبرچی مکتبلریدن بیرقطاری، بوگون رخصت بیریلدی.
بیراق، سلاموطندارگه صحبت بیرگن معارف وزیرلیگی نشرات باشلیغی کبیر حقملنینگ ایتیشیچه، مکتبلر رخصت بیریلیشی توغریسیده اولرنینگ هیچ بیر برنامهسی یوق دیر و برچه مکتبلرده تعلیمات عادی شکلده دوام ایتهدی.
شونینگدیک، کیملیک ترقهتیش ادارهسینی عامهوی علاقه باشلیغی روئینا شهابینینگ ایتیشیچه، اوتگن کون یوز بیرگن واقعهدن سونگ یاپیلگن کیملیک ترقهتیش ایکی مرکز تیزلیکده آچیلهدی. اونگه کوره، شوندهی بیر حالده هم آواز بیرووچیلرنی رویخطگه آلیش و کیملیک ترقهتیش مرکزلردن بیرقطاری امنیتی تهدید آستیده دیر.
ایچکی ایشلر وزیرلیگی سوزلاوچیسی نجیب دانشنینگ ایتیشیچه، آواز بیرووچیلرنی رویخطگه آلیش و کیملیک ترقهتیش مرکزلرنینگ امنیتی یخشی بیر شکلده تأمین ایتیلیشی توغریسیده، امنیتی برنامهلرگه قیته تیکلهیدیلر.
اوتگن کون یوز بیرگن واقعه تکرارلنیشیدن خواطر بیلدیرگن عایلهلرنینگ ایتیشیچه، خوفسیزلیک تأمین ایتیلمهگن صورتده، فرزندلریگه مکتب باریش گه رخصت بیرمهیدیلر.
