آغر جرملرگه قرشی کورهش اداری فساد عدلی و قضایی مرکزی ایکبار پول یوویش آچیق محکمه سیده، رازمحمد اوغلی محمدمعصومنی 261200 دالر، 323 مینگ افغانی، 299500 کلدار و 217.300 گرام آلتیننی تازهلش جرمیگه عیبلنیب 3 ییل ترتیبات حبسیگه آلینیب و یوزمینگ افغانی نقدی جریمه تولشگه محکوم بولدی.
آغر جرملرگه قرشی کورهش اداری فساد عدلی و قضایی مرکزی باشلیغی شیرآقامنیب نینگ ایتیشیچه، صادر بولگن حکم کیسکین شکلده ایمس و عیبلنگن شخص شکایت قیلیش حقی بار.
پول یوویش عیبی بیلن قولگه آلینگن محمدمعصوم بوندن آلدین ارزگان امنیه قومندانلیگی نینگ تدارکات بولیمی وقتینچه باشلیغی ایدی. او، بو پول اونینگ اوزینیکی و تهمتلرنی ثابت قیلالسهلر، هرقندهی جزالنیشگه حاضرلیگینی تیلگه آلهدی.
مملکت بویلب بو بیرینچی حربی پول یوویش آچیق محکمهسی ایدی. بوندن آلدین هم آغر جرملرگه قرشی کورهش اداری فساد عدلی و قضایی مرکزی ایری ایکی محکمه آرقهلی ایکی ییر غاصبلرینی آچیق شکلده محکمه قیلیب، جزاگه عیبلهگن ایدی.
