افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبههلی 333 کیشی دن آلینگن نمونه سیناویده 11 ولایتده 112 کیشی نینگ نتیجهسی مثبت تشخیص قیلینگن.
بوگون «سهشنبه، 31- سرطان» مذکور وزیرلیک رسمیلری نینگ ایتیشیچه، اوتگن بیر کیچه-کوندوز ده کرونا ویروس کسللریدن 76 تهسی قیته ساغهیگن و باشقه 3 تهسی جان بیرگن.
اوتگن 24 ساعت جریانیده رویخط گه آلینگن ینگی واقعهلر شامل مملکت ده کرونا ویروس گه چلینگنلرنینگ سانی 35 مینگ و 615 کیشی گه ییتیشگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگهقدر مملکت ده کرونا ویروس کسللریدن 23 مینگ و 739 کیشی قیته ساغهیگن و باشقه بیر مینگ و 186 کیشی جان بیرگن.
شونینگدیک، دنیاده کرونا ویروس گه چلینگنلرنینگ سانی 14 میلیون و 859 مینگ دن آرتیغی کیشی گه ییتیشگن. بو آره دن 6 میلیون و 133 مینگ دن آرتیغی جان بیرگن و باشقه 8 میلیون و 911 مینگ دن آرتیغی قیته ساغهیگن.
