انسان حق و حقوقلری مستقل کمیسیونینینگ ایچکی آوارهلر بارهسیده ترقتگن اون سکیز آیلیک گزارشیده یازیلیشیچه، 2009- ییلدن بیری ایچکی آوارهلرنینگ سانی 468 % آشگن.
مذکور کمیسیونینگ باشلیغی خانم سیماسمرنینگ سوزلریگه کوره، میلادی 2009- ییلده ایچکی آواره بولگنلرنینگ سانی 420 مینگ و 665 کیشی بولگن، اما بو رقم ایسه جاری ییلنینگ اگوست آییده 1 میلیون و 257 مینگ 552 کیشیگه ییتگن. خانم سمر، اوروش، نا برقرارلیک اهالی آواره بولیشی اوچون بیرینچی دلیل بولگن دیگن.
اوشبو گزارشگه قرهگنده، جنوبی ولایتلر 22.8% آوارهسی بولگنی بیلن بیرینچی، غربی ولایتلر 22.7% آواره بیلن ایکینچی اورین ده قرار تاپگن. انه شو ترتیب اساسیده مرکزی ولایتلر 17.9%، شرقی ولایتلر 16.1% شمالی ولایتلر 10.7% شمال شرقی و جنوب شرقی ولایتلر 9.8% بیلن اوچینچی، تورتینچی، بیشینچی و آلتینچی اورینده تورگن.
شونینگدیک گزارشده افغانستان دولتی آواره بولگنلر وضعیتی اوچون درست شکلده اعتبار قرهته آلمهگنی یازیلگن. آواره بولگنلر باش پنه، تازه ایچیملیک سوو، ایش، ییگولیک آذیق آوقت و تشناب کبی معمالرگه روپه ره بولگنلر. خانم سمرگه کوره، آواره بولگنلر وضعیتی یخشی لهنیشی اوچون افغانستان دولتی دییرلی لایحه ایشلب چیقیشگه احتیاج بار.
گزارشده بلاغتگه ییتمهگن گودکلر، عیاللر، ناگرانلر جامعهنینگ اینگ ضرر کورگن قتلمی بولگنی یازیلگن، لیکن بو قتلمگه هیچ قندهی اعتبار قره تیلمی ایریم حاللرده ساغلیق همده تعلیم وتربیه شرایطی هم چیلکهنیب قالگن.
انسان حق و حقوقلری مستقل کمیسیونینینگ معلوم قیلیشیچه، آواره بولگن لرنینگ 70% ایکی ییلدن بیری اوز اوی جایلریگه قیتمهگنلر. حاضرگی کونده مملکت بولیب 50% تومنلر جدی خوفسیزلیک تهدیدلر بیلن دوچار و ولسواللیک لرنینگ 30 % عملده قوراللی طالبلرتامانیدن نظارت ایتیلهدی.
انسان حق و حقوقلری مستقل کمیسیون افغانستانلیک مهاجرلر بیلن قوپال یاندهشیلیشیدن خواطرده.
شونینگدیک افغانستان انسان حق حقوقلری بوییچه کمیسیون باشقه بیر گزارشده مملکتگه قیتگن قاچقینلر وضعیتینی اورگنگن. اوشبو گزارشگه اساسن 1393- ییل باشلهنیشی بیلن جاری ییل سرطان آییگه قدر 223 مینگ و 744 نفر ایراندن چیقاریلگنی قید ایتیلگن. انسان حق و حقوقلرینی نظارت قیلوچیلرگه کوره، ایراندن چیقاریگن 99% قاچقینلرگه ایران دولتی تامانی زوردن ایش آلگن و 30% مهاجرلر ایسه بازداشگاهلرده کلتکلنگلر.
عین حالده، بو ادارهنینگ حساباتیده یازیلیشیچه، مهاجرلرگه کومک قیلیش دایم وقتینچهلیک بولگن و مملکتگه قیتگنلرنینگ 77% ایش خوفسزلیگی بولمهگن. خانم سمر، کونگیلی روشده مملکتگه قیته دیگن مهاجرلر جاری ییل بیرینچی 9آییده اوتگن ییلگه قرهگنده 9 ایده 34 % کمیگن لیگینی معلوم قیلگن.
خانم سمر، افغانستان ملی بیرلیک حکومتیدن اهالی وضعیتی یخشی لهنیشی اوچون لازم درجهده زمینه یرهتیشنی طلب قیلگن. اوشبو حساباتگه کوره، میلادی 2002- ییلدن 2014- ییلگه قدر 5 میلیون 8 یوز مینگ قاچقین قیتهدن افغانستانگه کیلگن.
