جوزجان ولایتینینگ مردیان تومنی یشاوچیلریدن بیرقطارینینگ ایتیشیچه، حاضر مذکور تومن گه تیگیشلی برچه قضیهلر طالبلر تامانیدن حل ایتیلهدی.
اولرگه کوره، حقوقی دوسیهلری اوچون دولت گه مراجعت قیلگن کیشیلر، طالبان گروهی تامانیدن 50 دن 80 مینگ افغانی گچه جریمه بولیب و جزالنهدی.
شونینگدیک، سلاموطندارگه صحبت بیرگن جوزجان ولایتینینگ مردیان تومنی ولسوالی تاجمحمد تقوانینگ ایتیشیچه، مذکور تومن یشاوچیلرینینگ برچه قضیهلری طالبلر آرقهلی حل بولهدی.
بوندن آلدین، جوزجان امنیتی رسمیلری، اوشبو ولایت مرکزی و تومنلریده عصیانچی گروهلرگه قرشی حربی عملیات یولگه قوییلیشی اوچون تیارگرلیک آلینگنیدن ایشانچ بیرگن ایدی؛ بیراق بو عملیات حاضرگچه یولگه قوییلمهگن.
باشقه تاماندن، طالبان گروهی سوزلاوچیلریدن بیری ذبیحالله مجاهدنینگ سلاموطندارگه ایتیشیچه، مردیان تومنینینگ یشاوچیلری حقوقی دعوالرینی حل قیلیش اوچون اوز علاقهلری بیلن بو گروه گه مراجعت قیلهدیلر.
