پکتیا مدنی فعاللری و ولایتی کینگش اعضالریدن بیرقطارینینگ ایتیشیچه، اولرگه ییتیشگن حجتلرگه قرهگنده، مذکور ولایتنینگ حوزهوی کسلخانهسینینگ ییگولیک آذیق-آوقتی و امکانیتلریدن 32 داکتر، نرس و تازلاوچی شخصی فایدهلنهدی.
اولرنینگ ایتیشیچه، بو داکترلردن بیرقطاری، بالهلرینی کسلخانه گه آلیب باریب و کیچه تامان غیررسمی پیتلرده کسلخانهنینگ امکانیتلریدن فایدهلنهدیلر.
ولایتی کینگش اعضالرینینگ ایتیشیچه، بو کیشیلردن 15 تهسی داکتر، 9 تهسی نرس و باشقه 5 تهسی تازهلاوچی بولیب و هر بیرینینگ آییده بیش مینگ افغانی کیچهلیک خرجتی بار و بو خرجت ناقانونی شکلده کسلخانهنی امکانیتلریدن توللنهدی.
پکتیا ولایتی کینگش اعضاسی محمدالرحمان قادرینینگ ایتیشیچه، اوشبو کسلخانهده قطار کیشیلر هیچ بیر احتیاج بولمهگن حالده کیچهنی اوتکزیش اوچون کیچهلرنی اوتکزهدیلر.
پکتیا ولایتینینگ ساغلیقنی سقلش مسؤوللری بو موضوع نی تَن آلیب ایتیشیچه، کیچه تاماندن مذکور کیشیلر اوچون باشقه بیر جای تیارلنهدی. پکتیا ولایتیده ساغلیقنی سقلش ریاست باشلیغی دولتخان احمدزینینگ ایتیشیچه، بو توغریده مسؤول مؤسسه بیلن صحبت قیلینگن و تیزلیککه مؤسسه شو توغریده قرار آلهدی.
