کرونا ویروسی کوپهیگنیدن سونگ، شهرلر قرنطینه قیلینیب و بوتون فعالیتلر آنلاین شکلده صورت تاپیشی خصوصیده قرار قیلینگن. تعلیمی و تحصیلی نهادلرنینگ فعالیتلر هم توختهتیلدی و مذکور نهادلرنینگ مسووللری قرنطینه کونلرده تحصیل نینگ آنلاین شکلده صورت تاپیشی خصوصیده قرار قیلدیلر.
اوشبو ریجه دولتی و خصوصی بیلیم یورتلرنینگ اوقووچیلرینی آنلاین شکلده تعلیم کوریش سیستمیگه یوز کیلتیریشگه مکلف قیلهدی.
خصوصی بیلیم یورتلردن بیری نینگ اوقووچیسی ذکیه حسینی خصوصی بیر مکتبده اوقیتووچی صفتیده فعالیت قیلهدی. اونینگ ایتیشیچه، قرنطینه کونلرده ایشسیز دیر و بیلیم یورت پولینی توللشگه قادر ایمس. خانم حسینی نینگ کوپهیتیریشیچه، بو وضعیت نینگ دوامی و مسووللرنینگ دقتسیزلیگی سبب، خصوصی بیلیم یورتلرده تحصیلی نظام برهم اوریلهدی و بیرقطار اوقووچیلر تحصیلنی قوییب یوباریشگه مجبور بولهدیلر.
کابل بیلیم یورتی اوقووچیلریدن بیری عبدالله نینگ ایتیشیچه، برق نینگ نامنظملیگی، انترنت بهاسی نینگ یوقاری بولگنی و انلاین تعلیمی سیستم نینگ زمانهوی بولمهگنی سبب، درسلری ایلگری کیتمهیدی. اونینگ ایتیشیچه، اوقیتووچیلر تکنالوژیدن فایدهلنیشگه بلد ایمس.
بیراق، عالی اوقویورتلر وزیرلیگی سوزلاوچیسی عزیزاحمد اوریاخیل نینگ سلاموطندارگه ایتیشیچه، اوشبو وزارت خصوصی بیلیم یورتلر بیرلشمهسیگه فیسلرینی کمهیتیریشلری خصوصیده مصلحت بیرگن، بیراق خصوصی بیلیم یورتلر اوستیگه فشار کیلتیره آلمهیدی.
اونینگ ایتیشیچه، مخابرات وزیرلیگی نینگ یاردمی بیلن عالی اوقویورتلر وزیرلیگی تامانیدن تیارلنگن ینگی ریجه اساسیده، دولتی و خصوصی بیلیم یورتلرنینگ اوقووچیلری انترنت دن رایگان شکلده فایدهلنه آلهدیلر.
کابل نینگ قرنطینه قیلینگنی و بوتون دولتی و خصوصی نهادلرنینگ باغلنگنیدن سونگ، عالی اوقویورتلر وزیرلیگی آنلاین تعلیمی سیستم ریجهسینی تیارلگن، بیراق اوقووچیلردن کوپ قطاری بو ریجهنی ناکام عنوان قیلهدیلر.
