لوگر یشاوچیلریدن بیرقطاری کیچه تاماندن ولایت دولتی کسلخانهلریده موظف داکتر بولمهگنلیگیدن شکایت قیلهدی. یشاوچیلر، اوچ آیدن بیری ولایت دولتی شفاخانهلریده کیچه ایشلهیدیگن داکترلر یوقلیگی سبب، کسللردن کوپیسی جان بیرهدی دیگنلر.
لوگر یشاوچیلریدن عبداللهنینگ سلاموطندارگه ایتیشیچه، جراح داکتر بولمهگنی اوچون اونینگ کسلی برهکی کسلخانهسیده جان بیرگن.
لوگر ولایتینینگ باشقه بیر یشاوچیسی جاویدنینگ ایتیشیچه، خوشی تومنیده موظف داکتر بولمهگنی اوچون اونینگ کسلی باله کیلتیریش پیتیده بالهسی بیلن عالمدن اوتگن.
اما لوگر ولایتینینگ مرکزی کسلخانهسی باشلیغی عاشقالله مجیدی، کیچه تاماندن ولایت بویلب کسلخانهلرده داکترلر نوکری قیلهدی و ایشلریگه توجه قیلمه گنلر ایشدن آلینهدی دیدی.
لوگر عامه ساغلیقنی سقلش ریاستی باشلیغی گلالرحمان شاهی هم یشاوچیلر شکایتلرینی رد قیلیب، بونقه قیینچیلیکلر ولایت ناتینچ منطقهلریده موجود دیگن.
شو حاضر لوگر ولایتیده 52 کسلخانه و کلینک فعالیت قیلهدی، بیراق ولایت یشاوچیلری بوکسلخانهلرنی یشاوچیلرنی مداوا قیلیشگه ایترلی ایمس دیدیلر.
