.jpg)
مملکت شمالیده جایلشگن بلخ ولایتی ناراضیلیک نمایشلر گواهی بولماقده. ولایتنینگ سرپرستی عطامحمد نورگه قرشی جمهور رییس بیرینچی اورین باسری عبدالرشید دوستم طرفدارلر نمایش اوتکزگنلر. دوستم طرفدارلری رهبرلرینینگ صورتی شهرده اوزیب تشلنگنی باعث، حادثه عامللر قولگه آلینیب جزالهنیشینی سورهگنلر. باشقه تاماندن بیر قنچه کیشیلر ولایت سرپرستیدن حمایت بیلدیریب نمایشگه چیققن.
ینگی ییل بیرهمی مناسبتینی نشانلش اوچون مملکتنینگ کوپچیلیک اهالیسی شمالی مزار شریفگه یول آلهدی. عبدالرشیددوستمنینگ کامگار تورت یولیدهگی عکسلریدن بیری قطار شخصلر تامانیدن اتهیین توشیریلیشی سونگی ایکی کونده اجتماعی صحیفهلر قوشیمه اخبارات واسطهلریده جدی مسالهگه ایلنگن.
.jpg)
بوگون اوتکزیلگن نمایشلرده اعتراضچیلر بیر- بیراولرگه شعار بیریب، حکومتدن مساله تیکشیریلیشینی سورهگنلر.
افغانستان جمهور رییسینینگ بیرینچی اورین باسری تامانیدن یولگه قوییلگن اعتراضنی رهبرلیک قیلهدیگن یاشلر جنبشی نینگ باشلیغی کنشکا ترکستانی، ایستکلریگه ایجابی جواب بیریلمهگن حالده و جناب دوستم صورتینی ییرتگنلر جزالنمه گن تقدیره، ناراضیلیک نمایشلریگه دوام بیریشلر بارهسیده آگاهلنتیرلگن.
ترکستانی، مساله اوچون ولایت سرپرستی تیورهگیدهگی مخصوص گروهلرنینگ قولی بارلیگینی ادعا قیلگن. ترکستانی، ولایت امنیتی مسووللری حمایتیده بولگن شخصلردن بیری جناب دوستم صورتینی توشیریشگه حرکت قیلگنلیگی اوچون حجت بارلیگینی ادعا قیلگن.
شهرنینگ باشقه بیر بولیمیده عطامحمدنورنینگ طرفدارلری، قطار کیشیلر موضوعنی سوءاستعمال قیلیب ولایتنی ناتینچ قیلیش اوچون اولگورگنلر دیگن.
بونگه قرهمی، بلخ ولایتینینگ محلی رسمیلری، بو نمایش بیر قنچه اوزباشیمچه کیشیلر تامانیدن اوتکزیلگن لیگینی تیلگه آلیب، بو شخصلرگه جزا بیریلیشینی بیلدیرگنلر.
.jpg)
