غفور، جوزجان ولایتینینگ قوشتپه تومنیده اوروش شدتلنگنیدن کیین یورهگینی دینگیز گه اوریب و ایران تامان یول آلدی. بیر لقمه نان و تینچ حیات ایستگی غفور و باشقه اونلرچه کیشی نی مهاجرت قیلیشی گه سبب بولدی. بیراق غفور یول جریانیده انسان قاچاقچیلری نینگ قولیگه توشدی و قاچاقچیلر اونینگ قرشیسیده هیچ قندی آزار و قیناقدن واز کیچمهدیلر. او قاچاقچیلر تامانیدن توتقونگه آلینهدی و اونینگ ایتیشیچه، کیچهلرنی کوز یاشی و قوییب یوباریلیش افسوسی بیلن اوتکزهدی. اوشبو ییگیت گه کوره، قاچاقچیلر پول بیرگونگه قدر مهاجرلرنی گروگه آلهدی ایکنلر و بو مدتده آدملرنینگ کلتکلهب و نهایتده برق گه بیرهدی ایکنلر.
اونگه کوره، قاچاقچیلر 2 میلیون و 3 میلیون تومان آلهدیلر و پولی بولمهگنی کیشیلرنی بیر ییل یا-ده ایکی ییل حبس قیلهدیلر.
مهاجرت دورانیدن صحبت قیلیش غفورنی جوده قیغولنتیرهدی، اونینگ ایتیشیچه، نهایتده عیاللر هم کلتکلهنیب قیناققه دوچ کیلهدی ایکنلر. او تینچ حیات آرزوسیده ایکن، بیراق حاضر قولگه کیلتیرهدیگن درآمدلریدن بیر مقداری نی قاچاقچیلر قولیدن قوییب یوباریلیشی اوچون دوست و قوملریدن آلگن قرض گه بیرهدی.
او، 6 آی قاچاقچیلرنینگ قولیگه حبس ایدی و پول تولهگندن کیین قوییب یوباریلهدی، بیراق نیچه کوندن کیین ایران پولیسی تامانیدن قولگه آلینیب و 20 کوندن کیین نیمروز گه قیتهدی.
شونینگدیک جوزجان مهاجرلر ریاستی مسئوللری، مهاجرلر قاچاقچیلر و ایران امنیتی کوچلری تامانیدن کلتکلنگنینی تصدیقلهیدی. اوشبو ولایت مهاجرلر ریاستی باشلیغی عبدالمالک رستمی نینگ سلاموطندارگه ایتیشیچه، ایران دن قیتگن انسانی و مهاجرلر قاچاقی قربانیلری نینگ تانیب و یاردم بیریش اوچون سعی و حرکتلرنی دوامی بار، بیراق مذکور یاردملر اوز اختیاری گه مملکتده قیتگن مهاجرلر شامل بولهدی.
جوزجانده انسانی قاچاق و مهاجرلر قاچاقی نینگ حوزهیی مسئولی حسن سلیمی نینگ ایتیشیچه، انسانی قاچاق قربانیلری تانیلگندن کیین حمایت آستیده قرار تاپهدیلر و انسان قاچاقچیلری تانیلگندن کیین عدلی و قضایی اداره لرگه تانیشتیریلهدی.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن. اوشبو میکانیسمدن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچیلرنی تانیب قضایی ادارهلریگه تانیشتیریب (2017- ییل مصوبهسی) انسان قاچاقی گه قرشی کورهش قانونی اساسیده، دولت و دنیاجماعهچیلیگیگه یولچیلیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 10- مادهسیده کیلیشیچه، انسانی قاچاق و مهاجرلری قاچاقی نینگ قربانیلری و اولرنینگ عایلهلری قوییده کیلگن مادهلر اساسیده حمایت بولهدیلر.
- انسانی قاچاق و مهاجرلر قاچاقی قربانیلری قرشیسیده زوروانلیک بولگن صورتده، او تینچ بیر محلده سقلنهشی کیرهک.
- مهاجرلر و انسانی قاچاق قربانیلری حرفهیی تعلیمات آستیده قرار تاپسین.
- انسانی قاچاق و مهاجرلر قاچاقی قربانیسی نینگ عایلهسی مستقیم یا-ده غیر مستقیم شکلده قاچاققه دخیل بولگن صورتده، قربانی اولرنینگ کوزیدن اوزاق سقلنیشی کیرهک.
هر ییل مینگلرچه کیشی تینچ و ایدهآل حیات آرزوسیده اروپایی مملکت بارهدیلر و کوپینچه بو مقصد اوچون ایران، پاکستان و ترکیه مملکتلرینی تنلهیدیلر؛ بیراق مذکور کیشیلردن کوپینچهسی یول جریانیده، انسان قاچاقچیلری نینگ قولیگه توشیب قربان بولهدیلر و مینگلرچه قیینچلیک چیدهب بیراق بوش قوللر بیلن مملکتده قیتهدیلر.
شو توغریده:
- قاچاق یولیدن ایران تامان یول آلگن ییگیت نینگ حکایهسی
قاچاق یولیدن ایران بارگن کنریلیک ییگیتنینگ حکایهسی
انسان قاچاقی؛ بیگارلیک، قیناق و آغیر ایشلردن سونگ، صفرگه قیتگن ییگیتنینگ حکایهسی
