بیرلشگن ملتلر تشکیلاتی ینگی ترقتگن گزارشیده حاضرگی شرایطده افغانستان تورمه لریدهگی زندانیلر قیناققه بیریلیشیدن تشویش بیلدیرگن.
بیرلشگن ملتلر تشکیلاتی نینگ افغانستان اوچون یوبارگن خاص نمایندهسی تدامیچی یاماموتو قیناق جریانیدن تشویش بیلدیرگن.
بو گزارش بیرلشگن ملتلرتشکیلاتی نینگ افغانستان اوچون اورین باسرلیک هیأتی یا یوناما و مذکور تشکیلات انسان حقلر بوییچه ادارهسی تامانید تیار قیلینگن.
اوشبو گزارشده 2015 جنوریدن 2016 دسمبری نینگ 31گه قدر 469 قورالی تارتیشمهلرگه عیبلنیب قولگه آلینگلر بیلن صحبت قیلینگن قولگه آلینگنلر ملی امنیت، پولیس و باقه امنیتی تورمهلردن مملکت بویلب 62 مرته تیکشیریلگنلر.
گزارشده صحبت قیلگنلردن اوچدن بیری تورمه خانهلرده قیناق جریانی انیق شکلده بولرگه بیریلگن و تورمه لردهگی پولیس تامانیدن قولگه آلینگن زندانیلردن 45 فایزی تورمه لردهگی جاری قیناقلردن شکایت قیلگنلر سانی 2010دن حاضرگه قدر کته رقمنی کورستهدی.
قولگه آلینگن 85 باله دن 38 تهسی بیرلشگن ملتلر تشکیلاتی ملازملریگه قیناقلر جریانینی انیق شکلیده معلومات بیرگنلر.
تورمهده گیلردن کوپیسی نینگ ایتیشلریچه، قیناقلر شدتیدن اقرار قیلیشگه مجبور بولگنلر و اقرار قیلگنلریدن سونگ بولرگه قرشی قیناقلر توختهتیلگن. گزارشده کیلیشیچه: «قیناق کورگنلردن کوپیسی یازیلگن خط نیمهلیگینی بیلمسدن اونگه قول قویگنلر.»
بیرلشگن ملتلر تشکیلاتی نینگ انسان حقلر بوییچه عالی کمیشنر زیدر عدالحسین نینگ ایتیشیچه، گزارشگه کیلشیچه، قیناقدن قوتیلیش اوچون هرنیمه دیسهلر راضی بولگنلر و «قیناق بیلن قولگه کیلتیریلگن اقرارلر اعتبار سیز بولهدی.»
جناب رعدالحسیننینگ ایتیشیچه، افغانستان تورمهخانهلری کیرهکلی تیکشیروولرعملگه آشیریش لازم و افغانستان تورمهلریده قیناقلرگه یول آچیشگه عامل بولگنلر محکمه بولیشلری کیرهک.
گزارشده افغانستان بیرلشگن ملتلرتشکیلاتی نینگ تورمهلرده قیناق قیلیشگه قرشی صادر قیلگن تقنینی کمیتهسیگه صلاحیت بیریب اونی قبول قیلگن صورتده اوشبو کمیتهگه مملکت بویلب تورمه لرنی تیکشیریشگه رخصت بیریشی لازم دیگن.
بیرلشگن ملتلر تشکیلاتی افغانستان حکومتیدن تورمه خانهلرده زندانیلرنی قیناق بیریش آلدینی آلیب بوبارهده تحقیق بولیشینی سورهگن. شونینگدیک اوشبو گزارشده تورمهلرده قیناق بیره دیگنلر تانیلیب ایچکی و خلق ارا اساسی قانونلریگه قرهشه محکمه بولیشلرینی سورهگن.
بیراق ایچکی ایشلر وزیرلیگی نینگ تورمهلر بوییچه باشلیغی عبدالحلیم کوهستانی تورمهلرده قیناقلر جریانینی رد قیلیب ایتیشیچه، بوبارهده بیرلشگن ملتلر تشکیلاتی نینگ حجتی بولگنده، اولر تورمهلرده قانون تطبیق بیریلیشی و قیناقلر آلدی آلینیشی بارهسیده تلاش قیلهدیلر.
