.jpg)
بغلان ولایتینینگ معارف ریاستی باشلیغی عبدالقادر رسولینینگ سلاموطندارگه ایتیشیچه، مذکور ولایتدهگی 537 مکتب جملهسیدن 50% بِناسیز بولیب و اوقووچیلر آچیش فضاده درس اوقیدیلر.
معارف ریاستینینگ رسمیلریگه کوره، مکتبلرنینگ بِناسی و صنفی یوقلیگی باعث، کوکلم موسومیده قتیق یامغیرلر و یاز موسمیده هوا ایسیقلیگی سبب، اوقووچیلردن کوپینچهسی درسدن محروم قالهدیلر.
جناب رسولینینگ ایتیشیچه، بناسی بولگن مکتبلر هم معیاری ایمس و اوقووچیلر درس جریانیده کوپینچه قیینچیلیکلرگه روپهره بولهدیلر. حاضر بِنا یوقلیگی باعث، بغلان ولایتینینگ مکتبلرینی درس سیستمهسی اوچ- تورت شیفت بولگن.
بغلان معارف ریاستی باشلیغینینگ ایتیشیچه، مرکزی حکومت؛ مذکور ولایتنینگ مکتبلریگه بِنا قوریشگه کوچی ییتمهگن تقدیرده، کمیده بغلان اوقووچیلریگه وقتینچهلیک باش پناه و خیمه تیارلهشی لازم. جناب رسولیگه کوره، جاری قویاش ییل، اوقووچیلرنینگ قیینچیلیگی حل ایتیلمهگن صورتده، مذکور ولایتنینگ اوقیش تیزیمی جدی قیینچیلیکلرگه روپهره بولهدی.
بغلان مکتبلرینینگ اوقوتووچیلری و اوقووچیلریدن بیرقطاری، حکومتدن مذکور ولایتنینگ مکتبلرینی بِناسی قوریلیشیگه جدی شکلده دقت قیلیشینی سورهیدی. اولرنینگ ایتیشیچه، جاری ییل مرکزی حکومت اوقوتووچیلر و اوقووچیلرنینگ ایستهگیگه ایجابی جواب بیرمهگن صورتده، اولر کینگ ناراضیلیک نمایشگه قول اوریب و مکتبلرنینگ ایشیگینی یاپهدیلر.
دیمک، بغلان ولایتینینگ معارف ریاستی، جاری قویاش ییل، دنیا ادارهلرینینگ یاردمی بیلن، مذکور ولایتده 30 مکتبنینگ تمل تاشینی قوییشگه قرار قیلگن.
دندغوری و دندشهابالدین منطقهلریده یوزبیرگن سونگی اوروش، 12 مکتبگه قتیق زیان ییتکیزگن. دولت کوچلری بیلن قوراللی طالبلرنینگ اورتهسیده یوزبیرگن اوروش جریانیده، اوشبو مکتبلرنی کوپینچهسیدن سنگر و حربی قرارگاه اوچون فایدهلنگن. حاضر دولت زیان کورگن بِنالرنی قیته قوریشی توغریسیده سوزبیرگن.
