دولتی بیلیم یورت‌لر اوقیتووچیلریدن بیرقطاری نینگ ایتیشیچه، بیلیم یورت‌لر مسووللری مملکت مستقل‌لیگی‌دن نشانلش اوچون اولردن پول توپله‌گنلر.
بیلیم یورت‌لر اوقیتووچی‌لری نینگ مسووللر بو حرکتی‌دن تنقید قیلیب ایتیشیچه، بو ایش سابق هم نیچه مرته صورت تاپگن.
کابل بیلیم یورتی اوقیتووچیلریدن ایکی ته‌سی نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوقیتووچی‌لردن آلینگن پول نینگ کمی 100 افغانی دیر.
سیدجمال‌الدین افغانی معلم تربیه‌لش مرکزی اوقیتووچیلریدن بیری نینگ کیم‌لیگی سیرقالیش‌نی ایسته‌ب ایتیشیچه، بو اداره ده رسمی بیر مکتوب کیلمه‌گن، بیراق هر بیر اوقیتووچی‌دن 100 افغانی آلینگن.
بو توغریده مستقل‌لیک کونیدن نشانلش کمیته مسووللری نینگ فکرینی آلیش اوچون سعی و حرکت قیلدیک؛ بیراق موفق بولمه‌دیک.
مملکت مستقل‌لیک کونیدن نشانلش اوچون حکومت تامانیدن 384 میلیون افغانی اجره‌تیلگن بیر حالده، بیلیم یورت اوقیتووچی‌لری اولردن پول توپله‌نیشی‌دن تنقید قیله‌دیلر.
