ننگرهار ناگرانلریدن بیرقطارینینگ ایتیشیچه، دولت تامانیدن اولرگه بیریلگن ییرلر زورهوانلر تامانیدن غصب ایتیلگن. اولرنینگ ایتیشیچه، اوشبو موضوع نی نیچه مرته محلی حکومت رسمیلری بیلن شریک قیلگنلر، بیراق هیچ قچان قانیقرلی بیر جواب آلمهگنلر.
اوشبو ناگرانلریدن بیرقطارینینگ ییرلری بهسود تومنیده بولگن. اولرنینگ ایتیشیچه، ییر حجتی اولرنینگ آلدیده، بیراق باشقه بیرقطار کیشیلر، بو ییرلرگه قوریلیش ایشلرینی باشلهگن.
ناگرانلردن بیری شفیق الله، ییری غصب ایتیلگنی خصوصیده، حکومت، نمایندهلر کینگشی اعضالری و زورهوانلرنینگ جرم شریکی دیب بیلهدی. شکایتچیلردن باشقه بیری لعلزماننینگ ایتیشیچه، ناگرانلرنینگ غصب ایتیلگن ییرلری تیکشیریلیشی اوچون منطقه گه نیچه کمیسیون یوباریلگن، بیراق هیچ بیری قانیقرلی بیر نتیجه بیرمهگن.
سلاموطندارگه صحبت بیرگن مملکت ناگرانلرینینگ بیرلشمهسی باشلیغی مسعود ساپی، بو موضوع نی تصدیقلیدی. اونینگ ایتیشیچه، بهسود تومنیده قاسمآباد شهرچهسینینگ کوپینچهسی ناگرانلرگه بیریلگن، بیراق زورهوانلر بو ییرلرنی غصب قیلگن.
ننگرهار ولایتینینگ اجتماعی ایشلر ریاستی باشلیغی عبدالحکیم شیرزادنینگ ایتیشیچه، مذکور ولایتده ناگرانلر اوچون خاص بیر شهرچه یوق دیر و شهرچهنی بیر قسمتی حکومت تامانیدن ناگرانلرگه اجرهتیلگن و محلی حکومت ناگرانلرنینگ ییرلری غصب ایتیلگنی توغریسیده بیفرق یاندهشگن.
بیراق، ننگرهار حاکمی سوزلاوچیسی عطاءالله خوگیانینینگ سلاموطندارگه ایتیشیچه، اوشبو جنجل حل بولیشی توغریسیده سعی و حرکت دوام ایتماقده و قانونی حجتلری بولگن ناگرانلر حقلریگه ایریشهدی.
دستلبکی رقملر اساسیده، بوتون ننگرهار ده چمهسی 300 مینگ جریب ییر حکومت ملازملری و زورهوانلر تامانیدن غصب ایتیلگن.
