بوگون «شنبه» کابلده افغانستان دین عالملر کینگشی، «اداری فسادگه قرشی منبر سیسی» نامیده ایکی کونلیک ییغین یولگه قویگن.
اوشبو ییغینده اشتراک قیلگن عالملرنینگ ایتیشیچه، مملکتده فساد اوروش شدتلنیشیگه سبب بولگن و اولر هردایم مسجدلرنینگ منبرلری آرقهلی فسادگه قرشی سیس چیقارگنلر. اولرگه کوره، برچه دولتی ادارهلر فسادگه باتگن و حاضرگهقدر فسادگه قرشی یولگه قوییلگن برنامهلر نتیجه بیرمهگن.
دین عالملریدن بیری واعظزاده بهسودینیگ ایتیشیچه، اداری فسادگه قرشی کورهش خصوصیده، حکومت تامانیدن جدی چاره تدبیر کوریلمهگن صورتده، دین عالملرینینگ قولیدن هیچ نرسه کیلمهیدی.
مملکت باش قارهلاوچیسی فرید حمیدی، دولتی ادارهلرده فساد موجودلیگینی تَن آلیب ایتیشیچه، فساد برچه تشکیلاتلرنی قمرهب آلگن و فسادگه قرشی کورهش توغریسیده دین عالملری و یشاوچیلر یاردم بیریشی لازم. باش قارهلاوچی گه کوره، حاضر مملکتده فساد عمومی بولگن و شونینگدیک، بو پدیده برابریده اجتماعی حساسیتلر هم کمهیگن.
جناب حمیدی گه کوره، فساد مملکتده کمبغللیک، آچلیک، مخدره ماده گه چالینیش و ناتینچلیکلرگه سبب بولگن.
اوشبو ییغیننی ایکینچی کونی ارگده یولگه قوییلهدی و بو ییغینده جمهور رئیس هم نطق سوزلهشی ممکن.
