ساغلیک وزیرلیگی نینگ معلوماتی اساسیده، اوتگن ۲۴ ساعتده مملکتده کرونا ویروس گه شبههلی ۱۶۹ واقعه تیکشیریلگن کیم، بولردن ۱۶ تهسی ایجابی انیقلنگن.
مذکور وزیرلیک بوگون (سهشنبه ۴- سنبله) کرونا ویروس گه چلینگنلرنینگ کوندهلیک رقمی نی ترقهتیش بیلن ایتیشیچه، اوشبو ینگی واقعهلر قید ایتیلیشی بیلن مملکتده کرونا ویروس گه چلینگنلر رقمی ۳۸ مینگ و ۷۰ کیشی گه ییتیشگن.
کرونا ویروس نینگ کوپینچه ایجابی واقعهلری کابل، هرات، بلخ، ننگرهار، قندهار و پکتیکا ولایتلریده قید ایتیلگن.
مذکور معلومات گه کوره، اوتگن بیر کیچه – کوندوز ده کرونا ویروس گه چلینگن ۸ کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی ۱ مینگ و ۳۹۷ کیشی گه ییتیشگن. شونینگدیک اوتگن ۲۴ ساعتده کرونا گه چلینگن ۸۰ کسل داورلنگن کیم بو رقم بیلن دارولنگنلر سانی ۲۸ مینگ و ۴۴۰ کیشی دارولنگن.
عین حالده، دنیا ده حاضرگچه ۲۳ میلیون و ۸۱۲ مینگدن آرتیق کیشی کرونا ویروس گه چلینگن کیم بولردن ۸۱۷ مینگدن آرتیغی هلاک و باشقه ۱۶ میلیون و ۳۶۳ مینگدن آرتیغی ایسه دارولنگن.
