قندهار ولایتیده انسان حقلری کمیسیونی ساحهوی دفتری مسووللری نینگ ایتیشیچه، اولرنینگ تکشیریشلریگه کوره، اوشبو ولایت مرکز و تومنلریده 23 مینگ باله آغیر ایشلربیلن شغللنهدیلر.
انسان حقلری کمیسیونی ساحهوی دفتری مسوولی فخرالدین فایض نینگ سلاموطندارگه ایتیشیچه، اوروش نینگ کوپهیشی، اقتصادی قیینچیلیک و ترافیکی واقعهلر باعث عایلهلرنینگ خرجتینی تامین قیلهدیگنلرنینگ جان بیریشلری سبب بالهلر عایله خرجینی تامین قیلیش اوچون آغیر ایش قیلهدیلر.
قندهار ولایتیده انسان حقلری کمیسیونی ساحهوی دفتر مسوولی نینگ ایتیشیچه، اوروش طرفلری بالهلردن عسکر عنوانیده فایدهلنهدی.
قندهار ولایتیده مدنی فعاللر و انسان حقلری حمایتچیلری نینگ ایتیشیچه، بالهلرنینگ آغیر ایشلرنی انجام بیرگنی چکهسیده، اوروش دوام تاپگنی، ناتینچلیک و مکتبلرنینگ باغلنگنی سبب، کوپ قطار بالهلر تعلیم کورشدن محروم قالگنلر.
اجتماعی ایشلر وزیرلیگی نینگ ارقاملریگه کوره، حاضرده مملکتده اوروش و کم بغللیک بولگنی سبب، 2 میلیون باله عایلهلری نینگ اقتصادی نیازلرینی تیارلش اوچون ایش قیلهدی و اولردن یرمی آغیر ایشلر بیلن شغللنهدی.
بیرلشگن ملتلر تشکیلاتی نینگ گزارشیگه کوره، دنیا ایریم مملکتلریده 218 میلیون باله و ییگیت ایش بیلن شغلنهدی.
