افغانستان ایچکی ایشلر وزیرلیگی اونگیده توپلنگن احتیاطی افسرلردن بیرقطاری، حکومتدن آیلیکلری وقتی بیلن توللنیشینی سورهیدیلر.
ایچکی ایشلر وزیرلیگینینگ احتیاطی افسرلری نمایندهلیگیدن حسیب آریننینگ ایتیشیچه، احتیاط بولیمیده حربی رتبهلری بولگن 2000 دن آرتیق کیشی تقدیر سیز و حاضرگچه ایش گه تعیین ایتیلمهگن.
اوشبو افسرلردن باشقه بیری محمدسالم خادمنینگ ایتیشیچه، 7 ییل دن بویان ایچکی ایشلر وزیرلیگینینگ احتیاط بولیمیده دیر، بیراق حاضرگچه ایش گه تعیین ایتیلمهگن و شونینگدیک، ایکی آیدن بویان آیلیک قولگه کیریتمهگن.
عین حالده، ایچکی ایشلر وزیرلیگی سوزلاوچیسی اورین باسری نصرت رحیمینینگ سلاموطندارگه ایتیشیچه، فساد موجودلیگی باعث، احتیاطی افسرلرنینگ حقوقی توللنیشی توختهتیلگن، بیراق تیزلیکده توللنهدی. بوندن باشقه، افسرلرنینگ ذاتی قانونی اساسیده، تقاعد یاشی گه ییتیشمهگنلر ایرکین بیلشوولر آرقهلی اعلان ایتیلگن بستلر اوچون کاندید قیله آلهدی.
پولیس کوچلرینینگ احتیاطی افسرلری اوتگن کون هم ملی کینگش برابریده توپلهنیب آیلیکلری وقتی بیلن توللنیشی و تقدیرلری بیللی بولیشینی سورهگن ایدی.
