سونگی کونلرده آغیر قار یاغیشی نتیجهسیده، غور ولایتینینگ 9 تومنی نینگ باردی – کیلدی یولی و شونینگدیک غور- کابل قتناو یولی ترافیک یوزیگه یاپیلیب قالدی. غور ولایتی شاشلینچ کمیته باشلیغی حمیدالله دادفرنینگ سلام وطندارگه ایتیشیچه، یالغیز دولتیار تومنی بیلن فیروز کوه شهرینینگ قتناو یولی آچیق.
جناب دادفرنینگ کوپهیتیریچه، اولرنینگ قولیده بولگن امکاناتلر طبیعی حادثهلر و زیان کورگنلر اوچون ییترلی ایمس. اونینگ ایتیشیچه، تیزلیکده مرکزدن اوشبو تومنلرگه یاردم ییتکیزیلهدی.
غور ولایتی شاشیلینچ کمیته باشلیغینینگ ایتیشیچه، اوشبو تومنلرنی برچه محصولاتلری تاغلرده نابود ایتیلگن و حاضرگه قدر قار کوچکیسی، ییر سیلجیشی و سوو تاشقینلری خواطری موجود.
حاضرگچه اوشبو قار کوچکیلر تلفاتی و زیانی خصوصیده توغری رقم قولگه کیریتیلمهگن.
.jpg)
جناب دادفرنینگ آگاه لنتیریشیچه، اوشبو واقعهلر خصوصیده چاره تدبیر کوریلمهگن صورتده، تیزلیک انسانی مصیبت یوزبیریشی ممکن. جناب دادفر حکومت باشلیغلریدن باشقه منطقهلر یاپیلیشی آلدی آلینیشی اوچون بو منطقه لرگه یاردم ییتکیزیشنی سورهگن.
شونینگدیک غلام ناصر خاضع نینگ سلاموطندارگه ایتیشیچه، اولرنینگ قولیده بولگن امکانیتلر یالغیز نیچه عایله گه ییته دی و کته طبیعی حادثهلرگه ییترلی ایمس.
جناب خاضع گه کوره، غور یشاوچیلریدن 60 %دن آشهراغی کم بغللیک =ده حیات کیچیره دی و طبیعی حادثهلر یوزبیرگن صورتده، قیتهدن حیاتیگه دوام بیره آلمهیدی. او، حکومت باشلیغلریدن مذکور ولایتگه اهالیسیگه یاردم ییتکزیب بیریشنی سورهگن
