.jpg)
حقوق و سیاسی بیلیم فاکولتهسینی بیتتیرگن و شونینگدیک، نرسنگ بولیمیدن حجتی بولگن غفور شیوا، حاضر کوچهلرده آیسکریم ساتهدی. اوشبو یاش ییگیت ایچکی و چیتایللیک ادارهلردن هم کوپلب تجربه قولگه کیریتگن، بیراق شونچه امتیازلرگه قرهمهی ایرتهلبدن آقشام گچه بلخ کوچهلریده آیسکریم ساتهدی.
غفور شیوا بیلن صحبت گه باشلهگنیمده بغضی تولدی. اونینگ ایتیشیچه، نیچه مرته تورلی ادارهلرگه ایش قیدیریب بارگن، بیراق برچه ایشیکلر یوزیگه یاپیلگن.
غفور آلتی فرزندنینگ آتهسی دیر و یورهگیده بولگن آرزو و ایستهگی سیاستچی بولیب باش کوتریش بولگن، بیراق ایتیشیچه، بو آرزو و ایستکلری اوتمیشلرده ایکن و حاضر آرزو و ایستکلریگه ایریشمهسی خصوصیده ایشانگن.
.jpg)
نیچه کوندن بویان غفور شیوانینگ صورتلری اجتماعی ترماقلرده قولمه قول بولهدی. اونینگ ایتیشیچه، فاکولتهنی بیتتریب و قولیده حجتی ایشسیز قالگن کیشی یالغیز او ایمس دیر. کوپینچه کیشیلرنی تانیدی کیم، قوللریده لیسانس، ماسترلیک و دکترا حجتی سبزوات ساتهدیلر و سودا و ساتیق مرکزلریده قویی و یوقاری یورهدیلر.
مین یالغیز شونچهلیک غفور بیلن صحبت قیلدیم. اطرافی بالهلردن تولدی و او، بالهلرگه آیسکریم ساتیش بیلن شغللندی؛ خیرلهشیب و یولیم گه دوام بیردیم. اوزاقدن سیسینی ایشیتدیم و بلندگوده: «آیسکریم، آیسکریم دییردی.»
