غور ولایتیده عیاللرگه قرشی خشونتلر آلدینی آلیش اوچون عبیده شرر قرهلاوچی ایتیب تعینلندی. سلاموطنداردن غور ولایتیده عیال قرهلاوچی یوق دیب ترقهتیلگن خبردن سونگ، باشقرهلاوچیلیک ادارهسی ولایتده عیاللرگه قرشی خشونتلر دوسیهسی تیکشیریش قرهلاوچیسی دیب بو خانمنی تعین ایتدی. او مذکور ولایتده بیرینچی عیال بولیب شوندهی بیر لوازمده ایشگه باشله گن.
سلاموطندارنینگ بوبارهده ترقهتگن بیرینچی خبرینی اوقیماقچی بولسنگیز بوییرنی کلیک قیلینگ.
کابل بیلیم یورتینینگ حقوق بولیمیده تحصیل کورگن عبیده شرر، عیاللرگه قرشی خشونتلر آلدی آلینیشی اوچون عدالتنی نظرده توتیب کورهشیشینی معلوم قیلهدی.
غور ولایتی استینافینینگ باشلیغی عبدالمعروف فایق هم، بوندن الدین ایرکک قرهلاوچیلر تامانیدن تیکشیریلهدیگن عیاللر دوسیهلریده کوپلب قیینچیلیکلرگه روپهره بولگنلیکلرینی معلوم قیلگن.
عیاللرگه قرشی خشونتلر آلدی آلینیشی بارهسیده قرهلاوچی ایتیب تعیینلگن عیالنی غور عیاللر حقوقی فعاللری خوش قرشیلهگن.
فریده ناصرینینگ ایتیشیچه، ولایتده عیاللر دوسیهسینی تیکشیریش اوچون ییریک معمالربیلن روپهره ایدیلر و حاضر ولایت قضا ادارهلری قیینچیلیکلرنی حل ایتیش اوچون بیر آدیم آلغه کوتارگن.
شوپیتده عبیده شرر غور ولایتیده عیاللرگه قرشی بولهدیگن خشونتلر آلدی آلینیشی اوچون ایشگه باشلهدی که شو سونگی نیچه ییل مابینیده غور ولایتی عیاللرگه قرشی خشونتلر جملهدن رخشانهنی تاش کومدی بولیشی، عزیزگلنی اوققه بیریلیشی و شونگه اوخشهش اونلب خشونتلرگه شاهد ایدی.
