تخار ولایتینینگ دشت قلعه تومنی اهالیسی عبدالطیفنینگ ایتیشیچه، تورمش اورتاغی کسلخانه داکترلرینینگ دقت سیزلیگی باعث جان بیرگن. اونینگ کوپهیتیریشیچه، داکترلر اونی قضا اورتهسیده قویگن، چونکه اوشه پیت کسلخانهده هیچ بیر داکتر یوق ایکن و باله توغیلگنیدن نیچه ساعت سونگ، بو واقعه یوز بیرگن.
تخار ولایتی ساغلیقنی سقلش ریاست باشلیغی حفیظالله صافینینگ ایتیشیچه، بو حادثه جدی شکلده تیکشیریلهدی؛ بیراق تخار ولایتیده ساغلیقنی سقلش ریاستی گه یاردمچی مؤسسه "هدا" دفتری مسؤولی ولی راسخنینگ ایتیشیچه، انیسه ناملی عیال کسلخانهده تعیین ایتیلگن همشیره دقت سیزلیگی نتیجهسیده جان بیرگن. مذکور همشیره حاضر ایشدن آلینگن.
شونینگدیک، بوندن ایکی آی آلدین، تالقان شهریده فرید پیرزاد کسلخانهسیده شوندهی قضیه یوز بیرگن ایدی. مسؤوللرنینگ ایتیشیچه، ناقص تشکیلات و داکترلر یوقلیگی سبب، بو واقعه یوز بیرگن و مذکور کسلخانه اوچ کون یاپیلیب قوییلگنیدن سونگ، قیتهدن فعالیت گه باشلهدی.
