سمنگان ولایت کینگشی اعضالریدن بیرقطاری، مذکور ولایتده خصوصی مخابراتی ترماقلرنینگ مسؤوللرینی آگاهلنتیریب ایتیشیچه، اوشبو ترماقلرنینگ فعالیتی تیزلیککه قیتهدن 24 ساعتلیک بولمهگن صورتده، بو ترماقلرنینگ کوندهلیک فعالیتی هم توختهتیلهدی.
اولرنینگ ایتیشیچه، بو قرار ولایت یشاوچیلری بیلن اوچرهشیلگنیدن سونگ، آلینگن.
سلاموطندارگه صحبت بیرگن سمنگان ولایت کینگشی اورین باسری محمدهاشم سروری نینگ ایتیشیچه، خصوصی مخابراتی ترماقلرنینگ مسؤوللری، سمنگان یشاوچیلری نینگ بو ایستهگی گه دقت قیلمهگن صورتده، بو ترماقلرنینگ دفترلری باغلنهدی.
سمنگان ولایتیده بیر هفتهدن بویان مخابراتی ترماقلرنینگ فعالیتی کیچه تاماندن کیسیلهدی. بو ولایتده کیچه تاماندن یالغیز سلام ترماغی فعالیت قیلهدی.
سمنگان مرکزی آیبیک شهری سوداگرلریدن بیری دینمحمدنینگ ایتیشیچه، بو ولایتده کیچه تاماندن مخابراتی ترماقلرنینگ فعالیتی کیسیلیشی، ولایت یشاوچیلرینی کوپینچه قیینچیلیککه روپهره قیلگن.
سمنگان یشاوچیلری نینگ ایتیشیچه، کیچه تاماندن مخابراتی ترماقلرنینگ فعالیتی کیسیلیشی اولرنی وحشت گه سالگن.
بیراق، سمنگان ولایتی نینگ مخابرات ریاستی ده مخابراتی خذمتلرنی کوزهتووچی اداره یا-ده اترا مسؤوللری نینگ ایتیشیچه، اوشبو ولایتده طالبان گروهی برچه مخابراتی ترماقلرنی کیچه تاماندن فعالیت قیلمسلری توغریسیده آگاهلنتیرگن.
سمنگان ولایتی نینگ مخابرات ریاستی ده مخابراتی خذمتلرنی کوزهتووچی اداره یا-ده اترا مسؤولی گلبدین یوسفی نینگ ایتیشیچه، طالبان گروهی آگاهلنتیرگنیدن سونگ، ولایت مرکزی ده مخابراتی شرکتلر تامانیدن مخابراتی ترماقلرنینگ کیچهلیک فعالیتی کیسیلگن.
اونگه کوره، مخابراتی ترماقلرنینگ فعالیتی 24 ساعتلیک بولیشی اوچون سوزلشوولر دوام ایتماقده.
شو توغریده…
بادغیس ده حاضرگهقدر مخابراتی ترماقلرنینگ فعالیتی کیچه تاماندن فعال بولمهگن
