چمهسی 200گه یقین سیاسی و مدنی فعال ملی کینگش نینگ بناسی قرشیسیده اعتراض بیلدیریب، مجلس نینگ اعضالری معامله اساسیده ایچکی ایشلر، مدافعه و ملی خوفسیزلیک ادارهسی نینگ باشلیغیگه ایشانچ رائی بیردیلر دیدیلر.
اوشبو مدنی و سیاسی فعاللر رمزی بیر حرکت آرقهلی مجلس اعضالری صلاحیتدن آلینیشی اوچون صندوق قوییب رای بیرگنلر. بولرنینگ آواز بیریشی نتیجهسیده نمایندهلر مجلسی نینگ 120تهسی صلاحیتی آلینیب و 88 اعضاسی ایسه ایشانچ آوازی آلگن.
مدنی فعاللر، اخیرگی وقتلرده کابل داخل مملکت نینگ بعضی بیر ولایتلریده صادر بولگن هجوملر باعث افغانستان امنیتی ادارهلرنینگ مسووللری پارلمان تامانیدن صلاحیتی آلینیشی لازم ایدی دیگنلر.
مدنی فعاللردن بیری هارون معترف، معامله بولمهگن حالده، نیمه اوچون امنیتی مسوللرنی مجلسگه چقیریش جریانی حوت آییدن جاری ییل نینگ حمل آییگه قدر کیچیکتیریلدی دیدی؟
سردار محمد داوودخان شفاخانهسیده عملگه آشیریلگن خودکش هجوم بارهسیده اشاره قیلگن مذکور مدنی فعاللر امنیتی ادارهلرنینگ مسوللری صلاحیتدن آلینیشی کیرهک ایدی دییه تاکید قیلگنلر.
باشقه بیر مدنی فعال صفتالله زواک، نمایندهلر مجلسی نینگ اعضاسی معامله اساسیده امنیتی رسمیلرگه ایشانچ آوازی بیرگن لیکلری بارهسیده اورغولهگن.
قطعنامه صادر قیلگن اعتراضچیلر نمایندهلر مجلسی نینگ ناقانونی روشده آلیب باره دیگن فعالیتیدن شکایت قیلگنلر. اولر، حکومتدن تیز آره ده پارلمانی همده تومنلر کینگشی سیلاولری اوتکزیلیشینی سورهگنلر.
اعتراضچیلر قطعنامه نینگ بیر بولیمیده دولت نینگ پارلمان ایشلری بوییچه وزیرلیگی اوچون بیر آیده 50 میلیون افغانی بودجه اجرهتیلگنلیگی شبههلی ایمس می دیدیلر.
