بوگون (دوشنبه) دارالامان قصرینینگ قیته قوریش ایشی رسمن باشلندی. انه شو مناسبت بیلن دارلامان قصریده اوتکزیلگن ییغینده جمهور رییس شامل حکومتنینگ بیرقنچه بلند مرتبهلی رسمیلری اشتراک قیلگن ایدی.
جنابغنی، دارالامان قصرینینگ قیته قوریش لایحهسی شهردارلیکنینگ بیرینچی ایشلریدن ایکن لیگینی تیلگه آلگن. جمهور رییسغنی، دارالامان قصری قیته قوریلگن صورتده، دولتنینگ برچه مخصوص ییغینلری بو ییرده اوتکزیلیشی ممکن دیگن.
قصرنینگ قیته قوریش ایشی رسمن باشلهنیشی اوچون پیته کیسیشده جمهور رییس غنی قوشیمچه اجراییه رییسی داکترعبدالله عبدالله، پارلمان باشلیغی عبدالرووف ابراهیمی و حکومتنینگ بیر قطار یوقاری مرتبهلی ملازملری اشتراک قیلگن ایدیلر.
جمهور رییس غنیگه کوره، قصر قیته قوریلیشی بیلن بیرگه اونینگ یقینیده موزهیم هم قوریلیشی هم انابتگه آلینگن. جمهور رییسغنی بو قصرنینگ قیته قوریش ایشیگه صرفلنهدیگن خرجت حکومت تامانیدن تولهنیله دی دیگن. مملکت رهبری محمد اشرفغنی دارالامان قصر قیته قوریلیشی شهری قیته قوریش لایحهلر باشلهنیشی اوچون یول آچهدی یدی.
باشقه تاماندن، مملکت شهر قوریش وزیری سیدسعادت منصور نادری مذکور اولتیریشده ایتیشیچه، دارالامان قصرینینگ قیته قوریش ایشی تجربهلی مهندسلر قولگه آلگنلر. او بو لایحه یخشی شکلده توزهتیلیشی کوتیلهدی دیگن.
دارلامان قصری 1304- 1306 قویاش ییللریده افغانستان قرالی اماناللهخان زمانیده قوریلگن. بو بنا آلمانلیک مهندسلر لایحهسی اساسیده قوریب بیتکزیلگن لیگی ایتیلهدی.
امانالله خان، اوشبو قصرنی اوز نامیگه اتب قوردیرگن. لیکن، حکومتی تیزده قوله تیلگنی سبب او اوشبو قصرده ایکی ییلدن آرتیق حیات کیچیره آلمهگن. دارلامان قصری ییتمیشیچی ییللردهگی ایچکی اوروشلر جریانیده ییریک بیر ویرانهگه ایلندی.
