بوگون «شنبه» کابلده مطبوعات ایرکینلیگی خلق ارا کونی افغانستان ملی جمغرمهسی تامانیدن نشانلندی.
مذکور جمغرمه باشلیغی سید عبدالله هاشمی نینگ ایتیشیچه، مملکتده مطبوعات اورنی و سوز ایرکینلیگی توغریسیده میدیالر و خبرچیلر هیچ قندهی سعی و حرکت دن وازکیچمهگنلر، بیراق سونگی کونلرده بیرقطار کیشیلر سوز ایرکینلیگی نی بوغیش اوچون سعی و حرکت قیلهدیلر.
جناب هاشمی مثال شکلده تینچلیک مصلحتی قورولتای ایسلب ایتیشیچه، قورولتای نی بیرینچی کونیدن باشلب آخریگچه امنیتی کوچلر سوز ایرکینلیگی نقض قیلگن.
اونگه کوره، قورولتای ده تنقیدچیلرنی سیسی اوچیریلگن و امنیتی کوچلر تنقیدچیلرگه صحبت قیلیش خصوصیده رخصت بیرمهگن.
جناب هاشمی نینگ ایتیشیچه، سوز ایرکینلیگی نقض ایتیلیشی و زوروانلیکلر نظرگه آلینمهگن صورتده، میدیا فعالیتلری کمهییب و سوز ایرکینلیگی جدی خطرگه روپهره بولهدی.
اونینگ کوپهیتیریشیچه، خبرچیلرگه طرفدار و مدافع ادارهلر زوروانلیکلرگه قرشی کورهشه آلمهیدیلر.
بو موضوع توغریسیده تینچلیک مصلحتی قورولتای نی یولگه قویگن کمیسیونی نینگ فکرینی اورگهنیش اوچون علاقه قوردیک، بیراق تکراری قونغیراقلر نتیجهسیده مؤفق بولمهدیک.
افغانستانده یالغیز اوتگن ییلده خودکش و پارتلش هجوملر نتیجهسیده چمهسی 20 خبرچی هلاک و باشقه بیرقطاری یرهلنگن بیرچاغده مطبوعات خلق ارا کونی نشانلنگن.
شو توغریده…
تینچلیک سوزلشوولریده سوز ایرکینلیگی قربان بولمهسین
