تخار ولایتی حج اوقاف ریاستینینگ مسووللری، یقین کیلهجکده «سووده سوزیش" همده عیاللر باردی – کیلدیسی آلدینی آلیش اوچون ییریک کمپاین اوتکزیشلری بارهسیده خبر بیرگنلر.
اوشبو ریاستنینگ سوزلاووچیسی مخلص تالقانی، بو حقده کمپاین باشلهنیشی اوچون تیزلیکده مخصوص کمیسیون قوریلیشینی ایتگن. اونینگ سوزلریگه کوره: « بو مرته دین عالملری اجتماعی فسادگه قرشی کورهش اوچون جدی حرکت قیله دیلر»
جناب تالقانی، اوشبو کمپاین ولایت والیسی بیلن اوچرهشوو اوتکزیلگندن سونگ باشلنهدی دیگن. او، بوندن آلدین هم ولایتده اجتماعی فساد آلدینی آلیش اوچون دین عالملری آرقهلی کمیسیونلر ایجاد ایتیلگن لیگینی بیلدیرگن؛ لیکن، محلی حکومت حمایت قیلمهگن لیگی سبب کمیسیونلر فعالیتدن قالگن.
تخارلیک مدنی فعال خانم شیما علم سروش، دین عالملری تورلی بهانهلر بیلن عیاللر دَم آلیشی اوچون توسیق بولمسلیکلری اوستیده تاکید قیلگن. او، عیاللرنی هم ایرککلر کبی دَم آلیش حق و حقوقیگه ایگه ایکنلیکلرنی تیلگه آلگن.
تالقان دین عالملر کینگیشینینگ اعضاسی همده دارالعلوم مرکزینینگ اورین باسری مخدوم ولی نینگ سلاموطندارگه ایتیشیچه، چهارشنبه کونلری تخارلیک خاتین – قیزلر دَم آلیش اوچون تالقاننینگ کهنه شهر منطقهسیدهگی چشمه گه باریب " یلانغاچ سووگه چومیلهدیلر» بو عمل ایسه دین و اسلام قدریتلریگه مخالف دیر. جناب ولی، عیاللر مخصوص وقت و مکانده توپلهنیب دَم آلیشلری شرعیتگه منع ایتگن دیدی.
ایچکیلیکلردن فایدهلهنیش، ایرککلر طرفیدن باشقریله دیگن عیاللر اوچون تیکوچیلیک، شهرده قوشیقلرنی چبستلر آرقهلی تیلفونلرگه اوتکزیش کبی مسالهلر دین عالملرینینگ خواطر بیلدیرگن مسالهلریدن حسابلنهدی.
تالقان چشمه شهر منطقهسی تخار ولایتینینگ دَم آلیش مکانلریدن سنهلهدی. چهار شنبه کونلر اوشبو منطقهدن ایرککلرنی اوتیب قیتیشی توسیب قوییلگن و اخیرگی کونلرده بو دَم آلیش مرکز مخصوص عیاللرگه اختصاص لشتیریلگن.
