.jpg)
افغانستان ملی ایشچیلر بیرلشمهسی حکومت تامانیدن حقوقلری کوپهیتیریلیشینی سورهگنلر.
اوشبو بیرلشمهنینگ مسووللری خبر بیر ییغین اوتکزیب، جمهور رییس غنی ایشچیلر حقوقی آشیریلیشی اوچون فرمان صادر قیلگن، لیکن مذکور فرمان هنوزگچه کوچگه کیریتیلمهگن دیدیلر.
اولرنینگ سوزلریگه کوره، افغانستان ایشلاوچیلرنینگ اقتصادی وضعیتی جوده یامان بیر حالده.
ایشچییلر ملی بیرلشمهسینینگ باشلیغی معروف قادری، محنتچیلر حقوقی کوپهیتیریلیشی اوچون جمهور رییس فرمان صادر قیلگن، اما اوشبو فرمان هلی هم عملی بولمهگن دیگن.
جناب قادری، بو ایستکلریگه اعتبار بیریلمهگن حالده، مدنی حرکتلرگه قول اوریشلری بارهسیده آگاهلنتیرگن. اونینگ سوزلریگه کوره، ایشچیلر کمیده بیر آیده 12 مینگ افغان معاش آلیشی کیرهک.
اما، افغانستان مالیه وزیرلیگی نینگ مسووللری، بو قیین چیلیک حل بولیشی ممکن دیگنلر. مالیه وزیرلیگی نینگ سوزلاوچیسی اجمل حمید عبدالرحیمزی، ایشلاوچیلر حقوقی آشیریلیشی اوچون قانونگه موافق تیگیشلی ادارهلر بیلن مساله حل ایتیلهدی دیدی.
