افغانستان یشاوچیلریدن بولمیش ستار محمدی 7 ییلدن بویان آلمان مملکتیده حیات کیچیرهدی، بیراق اونینگ سرنوشتی 7 ییلدن بویان نامعلوم قالگن.
او، میدانوردک ولایتی نینگ جلریز تومنیده بنا قوروچی بیر پروژه ده قوروقچی صفتیده فعالیت قیلهریکن، بیراق طالبان نینگ هجومی سبب، مملکتنی ترک قیلیشگه مجبور بولگن.
ستار محمدی، اولیمنی کوزی بیلن کورگن، بیراق مسافرت یولیگه تارتگن زحمت و رنجلری کیچهلر رویاسیگه کورینهدی و اونی یمان قیغوگه سالهدی.
او، افغانستاندن چیقیشی بیلن قورقینچ و وحشتدن نجات تاپیشینی توشینهریدی، بیراق واقعیت بوندهی ایمس ایکن.
ستار نیمروز چیگرهسی آرقهلی ایران توپراغیگه اوتگنیدن سونگ، خطرلی قرارگه قول اورگنینی توشینهدی.
اونینگ کوپهیتیریشیچه، ناتانیش کیشیلر بیلن 7 ساعتنی آچ و سووسیز موترنینگ غروفهسی اوتکزگن.
ستار نیچه مدتدن سونگ، قاچاقچیلر آرقهلی ترکیهگه انتقال بیریلگن، اروپا اینقسه آلمانگه ییتیشیش اونینگ اساسی مقصدی دیر. او ترکیه پولیسی تامانیدن محبوس بولهدی و یاش باشیگه قماقخانهنی تجربه قیلهدی، بیراق جرمی نیمه بولگنینی بیلمهیدی.
ستار محمدی، ایکی کون ترکیه چیگرهسیده قالگنیدن سونگ، استانبولگه بارهدی و نیچه مدت 30 کیشی بیلن بیر اتاققه حیات کیچیرهدی.
ستار، ترکیهده نیچه آی محبوس بولگنیدن سونگ، بلغاریا گه ییتیشهدی، بیراق بلغاریا پولیسی بیلن یوزمهیوز بولهدی و بلغاریا پولیسی او و همراهلرینی کلتکلب و قماقخانهگه تشلهیدی.
ستار نینگ ایتیشیچه، آیلرچه عمرینی بلغاریا قماقخانهسیده اوتکزگن و بو مدتده هیچکیم او و باشقه همراهلری احوالینی سورهمهگن. اونینگ ایتیشیچه، باشقه مملکتلرنینگ یشاوچیلری دولت و ایلچیلرنینگ سعی و حرکتلری سبب قماقخانهدن آزاد قیلینیب و ایشلریگه دوام بیرهریکن.
ستار بلغاریا قماقخانهسیدن آزاد ایتیلگنیدن سونگ، آلمانگه ییتیشیش مقصد یولگه چیقهدی و بو مقصدگه ییتیشهدی، بیراق قیینچیلکلری ینگی دن باشلنهدی. بیرینچی محکمهده اونینگ پناهندهلیک دوسیهسی رد قیلینهدی. او بیر ییل زحمت تارتگنیدن سونگ، آلمانگه ییتیشگن، قیتهدن افغانستانگه سورگون قیلینیشیدن خواطرگه توشهدی و انهشو سبب، کسل بولیب کسلخانهگه انتقال بیریلهدی.
او، درمانلنگنیدن سونگ، محکمه قراریگه قرشی اعتراض بیلدیرگن، بیراق اعتراضیدن 7 ییل اوتماقده و حاضرده هم محکمه نینگ سونگی قراری بیللی بولمهگن.
مهاجرلر و باشپناه ایزلاوچیلر وزیرلیگی تامانیدن بیریلگن آمارلرگه کوره، حاضرده کمیده 6.5 میلیون افغانستانلیک مهاجر دنیا تورلی مملکتلریگه حیات کیچیرهدی و بو جملهدن 500 مینگ افغانستانلیک مهاجر اروپالیک مملکتلرگه تیریکچیلیک قیلهدی.
