بوگون "پنجشنبه" هرات حاکمی سیدوحید قتالی نینگ خبری بیر ییغینده ایتیشیچه، هرات یشاوچیلری کرونا ویروسینی جدی آلمهگن. اونینگ کوپهیتیریشیچه، نیازمند عایلهلرگه یاردم توزیع قیلینگنیدن سونگ، هرات ولایتیده کوندهلیک یوریش چیکلاوینی رعایت قیلیش اوچون اهالی اوستیگه فشار کیلتیریلهدی.
هرات حاکمی نینگ کوپهیتیریشیچه، بوندن سونگ، هرات شهریده مدلی یوقاری بولگن موترلر آرقهلی اوتیب قیتهدیگن کیشیلر بیلن جدی شکلده برخورد قیلینهدی.
اونینگ ییگولیک ماده بانکی و کرونا نینگ کنترول قیلیش مرکزی ایجاد قیلینگنیدن خبر بیریب ایتیشیچه، بوتون یاردملر مسجدلر آرقهلی، نیازمند عایلهلرگه توزیع قیلینهدی.
هرات حاکمی نینگ کوپهیتیریشیچه، اختیاریگه بولگن بودجه آرقهلی، کیلهسی نیچه کون جریانیده مکتبلردن قولهنیش بیلن 10 مینگ بستر ایجاد قیلهدی و کرونا گه چلینگنلرنینگ سانی کوپهیگن صورتده، مذکور بسترلردن فایدهلنهدیلر.
عینحالده، هرات ولایتی بوییچه ساغلیقنی سقلش ریاستی باشلیغی عبدالحکیم تمنا نینگ تاکید قیلیشیچه، کرونا گه توسیق بولیش اوچون اساسی یول اویده قالیش دیر.
حاضرگهقدر مملکت بوییچه 484 کیشی کرونا ویروسیگه چلینگن. ساغلیقنی سقلش وزیرلیگی تامانیدن بیریلگن رقملرگه کوره، بوجملهدن 32 تهسی درمانلنیب و باشقه 15 تهسی دنیا دن اوتگن.
