سهشنبه دن چهارشنبهگه اوتر کیچهسی تخار ولایتی چاهآب تومنینینگ دوران قیشلاغیدهگی بیر مسجدگه 15کیشی نقابلی باستیریب کیریب عبادت قیلووچیلرنی برچه بار یوغینی اوغیرلب کیتگنلر. شونینگدیک بو شخصلر عبادت قیلووچیلردن حاجی زمان ناملی کیشینی اوزلری بیلن بیرگه آلیب کیتگنی ایتیلهدی.
چاهآب تومنی حاکمی جنیدالله فیضنینگ سلاموطندارگه خبرنی تصدیقلب ایتیشیچه، نقابلی اوشبو کیشیلر عبادتچیلرنینگ بوتون بار یوغینی اوغیرلب کیتگندن کیین، تومننینگ باشقه بیر مسجدیگه هجوم قیلیب عبادتقیلووچیلردن بیرتهسینی یره دار ایتگن.
جناب فیض هجومچیلر بیر – بیراوی بیلن اشاره ده گپیرگن دیگن. نقابلی کیشیلر عبادتچیلر مسجددن چیقیشی بیلن اوستلریگه هجوم قیله باشلگنلر.
محل یشاووچیلریدن بیری سعدالله، مذکور گروه تورت کیشینی اوزلری بیلن آلیب کیتیب؛ لیکن، تیزلیکده ایکّی کیشیسینی قوییب یوبارگنلر دیگن.
چاهآب تخار ولایتینینگ تاجیکستاننینگ چیگرهداش تومنلریدن حسابلنهدی. شونینگدیک بو تومن بدخشان ولایت بیلن هم قوشنی لیگی ایتیلهدی. بو تومن اطرافیدهگی پَست – بلند تاغلر بیلن قمرهب آلینگن.
