افغانستان ایرکین میدیالریدن حمایت قیلووچی تشکیلات «نی» نینگ ییللیک گزارشی گه کوره، قویاش 1395- ییل گه نسبتن 1396- ییلده خبرچیلرگه قرشی زورهوانلیک میزانی 51% کوپهیگن.
مذکور تشکیلات اجراییه باشیغی عبدالمجیب خلوتگرنینگ ایتیشیچه، قویاش 96- ییلده خبرچیلرگه قرشی 166 قضیه رویخط گه آلینگن ایدی و بو رقم گه 19 اولیم، 41 یرهدار، 23 کلتکلش و 67 اهانت شامل بولهدی.
جناب خلوتگر، خبرچیلرنینگ وضعیتی خواطرلی دیب ایتیشیچه، 95- ییل گه نسبتن 96- ییلده خبرچیلر آرهسیده یره دارلیک میزانی 43% کمهیگن، بیراق هلاکت بولیمیده بو میزان 26% کوپهیگن.
بوندن باشقه، «نی» تشکیلاتی نینگ ییللیک گزارشی ده مملکت میدیالریده عیاللر حضوری کوپهیگنی بیلدیریلگن، لیکن حاضرگهقدر نورستان، پکتیا، ارزگان، زابل و غور ولایتلریده هیچ بیر عیال میدیا ایشلری بیلن شغللنمهیدیلر.
مذکور گزارش اساسیده، مملکتنینگ 11 ولایتیده عیاللر کینگ شکلده میدیاده فعالیت قیلهدیلر و باشقه 7 ولایتده عیاللرنینگ حضوری قویی درجهده بولگن.
