پکتیکا ولایتینینگ معارف ادارهسی مسووللری، فرهنگی معمالرسبب ولایتنینگ 75% قیزلری مکتب باریشدن محروم بولگن دیگنلر.
ولایت معارف ادارهسینینگ رییسی کوچی زازیگه کوره، فرهنگی قیینچلیکلر همده خاتین اوقیتوچیلرنی بولمهگن لیگی، ولایتنینگ کوپچیلیک قیزلری آسوده خاطر بیلن مکتب باره آلمیدیلر.
جناب زازینینگ سلاموطندارگه ایتیشیچه،15% قیز اوقوچیلرنینگ دستلبکی امکانیتلرگه ایگهلر. ولایت معارف ادارهسی باشلیغی، پکتیکا معارف ادارهسی چهار چوبه سیدهگی مکتبلرنینگ کوپچیلیگی اوچون اساسی بنا بولمه گنلیگنی بیلدیرگن و بو موضوع هم قیزلر مکتب باریشی اوچون ییریک معماگه ایلنگن.
عین حالده، قطار قیز اوقوچیلرگه کوره، ایریم وقتلرده خانهدانلری قیز بالهلرینی مکتب باریش اوچون رخصت بیرمیدیلر، اما کون اوتیشی بیلن بو معما ایسه استه – سیکین حل بولیب بارماقده. اولرنینگ سوزلریگه کوره، حاضرگی کونده پکتیکا ولایتیده خانه دانلرنینگ فکری قیزلر مکتبگه باریشیگه نسبتن ایجابی اوزگرگن.
قومی ییغینده اشتراک قیلگن پکتیکا ولایت والیسی امین الله شارق، قیز اوقوچیلرنینگ اساسی معماسی خاتین اوقیتووچیلر بولمس لیگیدن کیلیب چیقهدیگن دیگن.
پکتیکاده 300 مکتب فعالیت قیلهدی جلمهدن 21 تهسی قیزلر اوچون اختصاصلشتیریلگن بو مکتبلرده 30 مینگ قیز اوقیوچی درس بیلن شغلنهدی.
