.jpg)
خوست ولایتیده خوفسیزلیک کوچلری قربانلری نینگ عایلهلریدن بیرقطاری، آچلیک اعلان قیلیشگن.
بوگون «چهارشنبه، 20- قوس» خوست ولایتی نینگ اعتراضچیلری، خوفسیزلیک کوچلری قربانلری نینگ عایلهلری گه رهایشی نمرهلر ترقهتیلیشی خصوصیده، حکومت نینگ دقتسیزلیگی گه قرشی ناراضیلیک بیلدیریشیب ایتیشلریچه، تحصن خیمه قوریشیب قوللری و آغزیلرینی باغلشگن.
خوست ولایتی نینگ اداری مجموعهسی برابریده توپلنگن اعتراضچیلرنینگ ایتیشلریچه، ملی مدافعه وزیرلیگی تامانیدن رهایشی نمرهلر ترقهتیلیشی خصوصیده اولرگه بیریلگن مکتوب قوللریده بولگن، بیراق محلی اداره، بو نمرهلرنی باشقهلرگه بیرگن.
اعتراضچیلرنینگ ایتیشیچه، بو ایستکلریگه قول تاپگونگهقدر، آچلیکدن قول تارتمهیدیلر.
مذکور اعتراضچیلر ایکی کون آلدین هم شو توغریده ناراضیلیک بیر نمایش اوتکزیب و محلی حکومت دن ایستکلریگه دقت قیلینیشینی سورهشگن.
عین حالده، خوست حاکمی سوزلاوچیسی طالب منگل نینگ ایتیشیچه، خوفسیزلیک کوچلری قربانلری نینگ عایلهلرینی حجتلری تیکشیریلماقده دیر و قانون اساسیده، عملگه آشیریلهدی.
