عیاللرگه قرشی جنسی زورهوانلیکلر و قیناقلیکلر اینیقسه میدیا بولیمیده هردایم خبر توزهلیش و عیال خبرچیلرنینگ خواطری گه سبب بولگن.
بوگون کابلده جنسی تبعیض و جنسی زورهوانلیک آلدی آلینیش قانونی تطبیق ایتیلیشی خصوصیده ایکینچی دادخواهلیک ییغینیده خبرچیلرنینگ خوفسیزلیگینی سقلش کمیتهنی رهبرلیک اعضاسی صدیقالله توحیدینینگ ایتیشیچه، میدیاده ایرککلر و عیاللر قوشمه شکلده فعالیت قیلهدی، بیراق تأسف بیلن میدیا قانونیده میدیاده فعالیت قیلهدیگن عیاللرنینگ خوفسیزلیگی توغریسیده هیچ قندهی دقت قیلینمهگن.
جناب توحیدی گه کوره، میدیاده فعالیت قیلهدیگن عیاللر تعیین ایتیلیشیدن باشلب آیلیکلری توللنیشی، تقاعد حقی، قانونی رخصت، ساغلیق بیمهسی و باشقه مسئلهلر توغریسیده کوپینچه قیینچیلیککه روپهره بولیب تورگنلر. شونینگدیک، تشقریده معلومات گه قول تاپه آلمسلیک، ناتوغری قرهشلر و باشقه توسیقلر اولرنینگ یاقهسینی قوییب یوبارمهیدی.
صدیقالله توحیدینینگ ایتیشیچه، میدیاده عیاللرنینگ حقوقی، وجیبهسی و اولر قندهی بیر شکلده قانونی سقلهنیشی توغریسیده میدیا قانونیده هیچ نرسه دییلمهگن. شو یوزهدن، اولر میدیا قانونیده سونگی اوزگریش ریجهسیدن خبر بیریب کوپهیتیریشیچه، اوشبو ریجه نمایندهلر کینگشی تامانیدن تصدیقلنگنیدن سونگ، تقنینی حجت شکلده ایش بیریشی لازم.
عین حالده، افغانستان عیاللر خبرنامهسی باشلیغی حمیرا ثاقب نینگ ایتیشیچه، ایرککلرگه نسبتن خبرچی عیاللرنینگ ظرفیتی آز دیر و اونینگ سببی هم جنسی زورهوانلیک، ناتینچلیک، ایش فرصتلری کملیگی و جماعهده بولگن عیاللرگه قرشی سلبی توشونچهلر بولیب عیاللرنینگ فعالیتی گه توسیق بولهدی. شونینگدیک، خانم ثاقب نینگ ایشانچی گه کوره، خبرچی عیاللرنینگ آرقه ده قالیش عامللریدن باشقه بیری میدیا رهبرلیگیده عیاللرنینگ حضوری یوقلیگی دیر.
