.jpg)
اوشندهیکه اوتمیشده فرخنده نینگ دحشتلی اولدیریلیشی و رشانهنینگ تاش کومدی بولیشیگه قرهته عیاللر حقیدن دفاع قیلهدیگن نهادلر خشونتلر آلدی آلینیشیگه تلاش قیلگن ایدیلر، لیکن اوتگن ییللرگه قرهگنده جاری ییل (۱۳۹۵) ده خشونتلر ۸.۶ فایز یوقاری کیتگنلیگینی کورستهدی.
افغانستان بشر حقلر کمیسیونی نینگ اوتگن ییلگی ییللیک گزارشیده خشونتلر ۵۱۳۲ مرته دیگندی، بیراق جاری ییلده اوشبو رقم ۵۵۷۵ مورگه ایتگن.
بوکمیسیون حساباتیده رویخطگه آلینگن خشونتلردن ۱۵۰۰ فزیکی خشونت، ۳۶۰ مورد جنسی، ۱۸۰۰ مرته لفظی و روحی و ۱۱۰۰ دن آشقهسی هم اقصتادی خشونت دییلگن.
بشر حقلر کمیسیونی اعضالریدن ثریا صبحرنگ نینگ خشونتلر سانیگه آشیشیدن تشویش بیلدیریب ایتیشیچه، رویخطگه آلینگن رقم انیق ایمس و خشونتلردن کوپینچهسی خانهدانلر اوته سیدهگی سنتلر و ناتینچلیکلر سبب کمیسیون و رسانهلر کوزیدن یاشیریلگن.
خانم صبحرنگ نینگ کوپهیتیریشیچه، افغانستان عیاللری اوچون ۹۵-ییل اینگ خشونتلی ییل بولگن ایدی و کیلگوسی ییلده حکومت خشونتلر آلدینی آلیشی اوچون برنامهلر نظرده توتیشی لازم.
بوبشر حقلر کمیسیونی نینگ اعضاسیگه کوره، فزیکی خشونتلردن ۱۲۰۰ موردی کلتکلش، ۱۰ مرتهسی کویدیریش، ۵۷ مرته یرهدار قیلیش، ۴۵ مرتهسی زوردن ایشلهتیش توغریسیده و ۲۳۴ مرته ایسه اولدیریش قضیهسی شامل.
شونینگدیک ۹۵-ییلده عیاللرگه قرشی بولگن خشونتلردن اوشبو ساندن ۴۳ مرته جنسی زورلش، عیاللر۹۰ مرته ایرلری تاماندن خیانت کورگن، ۵۸ مرته جنسی بیزاوته قیلینگن، ۱۵ مرته نارسمی جنسی علاقه قوریش، ۱۱ مرته یمان فلیملرکوریشگه زورلهنیش،۱۴ مرته بچه توشیریش و ۵ مرته هم باله قیلیش.
بشر حقلر کمیسیوسینی نینگ گزارشی گزارشیده خشونتلردن ۱۹۰۰ مرتهسی عیاللر حیاتی بیلن اوینلگن، ۵۰۰ مرته ایر-خاتین اجرهلیشی و ۵۵۰ مرته هم اویدن قاچیشگه قول اوریشلر دیب یازیلگن.
باشقرهلاوچیلیک نینگ عیاللرگه قرشی بولهدیگن خشونتلر پاکلش خصوصی بولیم باشلیغی زرغونه مستغفر، عیاللر حیاتیگه اوزگریش کیلماقده و ۹۵-ییلده ۲۴۴۲ مورد خشونت باشقره لاوچیلیک ادارهسی تامانیدن تیکشیریلگن دیدی.
عامللر
عیاللر حقوقی بوییچه فعاللر، عدلی و قضایی نهادلرگه ایشانچ سیزلیک، اداری فساد، جرمیگه جزاکورمسلیک فرهنگی، امنیت یوقلیگی، مخدرماده گه چلینگن، سواد سیزلیکلر و ناتوغری سنتلر مملکت بویلب عیاللرگه قرشی خشونتلر سببچیسی دیب ایتیلگن.
مجلس نینگ عیاللر بوییچه کمیسیون باشلیغی فوزیه کوفی، حکومت عیاللر وضعیتی یخشیلنیشی بارهسیده بیرگن وعدهلریگه عمل قیلمهگن دیدی. اونگه کوره، عیاللرگه قرشی خشونتلر قضیهسی کوپلب نتیجهسیز و توجهسیزلیگی سبب ۱۳۹۵ ده عیاللرگه قرشی خشونتلر سانیگه آرتیلگن.
خانم کوفی گه کوره، حکومت فرخنده و رخشانه نینگ قضیهلرینی جدی توتمهدی و قضیه عامللری بارهسیده هیچ قندهی بیر فیصله قیلینمهدی.
عیاللر وزیرلیگی نینگ سوزلاوچیسی کبرا رضایی عدلی و قضایی نهادلردن عیاللرگه قرشی بولهدیگن قضیه لر عاملینی جدی شکلیده تیکشیریشلرینی ایستهیدی.
امید قیلیش کیرهک می!
۱۳۹۵-ییل نی افغانستان عیاللری اوچون خشونتلی ییل دییش لازم ایمس. افغانستان کابینهسیده ۴ عیال وزیر، وزرات خانهلرده ۹ عیال معین، ۳ عیال سوزلاوچی و جمهورلیک سراییده کوپلب عیاللرنینگ مصلحتچی عنوانیده ایشگه آلینگن عیاللر وضعیتی یخشیلنیشی و عیاللر نفعگه دیب خبر بیرهدیلر.
شونگه قوشیمچه، دولتی نهادلرده عیاللرنینگ سانیگه آرتیریلیشی، عیاللرگه قرشی خشونتلر آلدی آلینیشی اوچون خصوصی باشقرهلاوچیلیک ایجاد ایتیلیشی و عیاللر اوچون تجارت وصناعت اتاقی آچیلیش لایحهسی تصویب ایتیلیشی هم عیاللر اوچون شوییلگی یوتوغلردن سنلهدی.
