شهیدلر و ناگرانلر بوییچه دولت وزیری نینگ ایتیشیچه، مملکتده شهیدلر و ناگرانلر آرهسیده 50 مینگ خیالی شهید و ناگران موجود دیر.
بوگون "یکشنبه" شهیدلر و ناگرانلر بوییچه دولت وزیری لعلالدین آریوبی نینگ لوگر ولایتیده قیلگن سفریده ایتیشیچه، مملکتده 50 مینگ خیالی شهید و ناگران بار و اولرنینگ هویتلرینی بیللی قیلینیشی خصوصیده تیکشیریشلر باشلنگن.
شهیدلر و ناگرانلر بوییچه دولت وزیری نینگ کوپهیتیریشیچه، تیکشیریشلردن سونگ، خیالی کیشیلر اوشبو وزارت فهرستیدن چیقاریلهدی.
جناب آریوبیگه کوره، لوگر، کابل و پکتیا ولایتلریده بیرقطار کیشیلر نیچه کیملیک آرقهلی اوچ ولایتدن پول آلهدی.
اونینگ کوپهیتیریشیچه، خیالی کیشیلر چیقاریلگنیدن سونگ، ییل ده 3 دن باشلب 3.5 میلیارد افغانی صرفهجویی بولهدی.
عینحالده، لوگر حاکمی محمد اجمل شاهپور نینگ ایتیشیچه، بو ولایت بویچه شهیدلر و ناگرانلر ریاستی ده اصلاحات کیلتیریش جریان باشلنگن.
لوگر ولایتیده ناگرانلر عایلهلریدن بیرقطاری نینگ ایتیشلریچه، نیچه ییلدن بویان حقوقلرینی قولگه کیریتمهگنلر. اولرنینگ ایتیشلریچه، ناگرانلرنینگ حقوقلرینی توللنیشی خصوصیده فساد بار و دولتگه تانیشی بولگن کیشیلر حقوق قولگه کیریتهدیلر.
