.jpg)
تبلیغات و بازار تاپیش «مدرن میتود» خصوصی بیر شرکت 3 ییلگهقدر مملکت نینگ 1 میلیون اهالیسیگه ایش جایی یرهتیب بیرهدی. بوگون کابلده خبری ییغین اوتکزگن مدرن میتود شرکتی نینگ مسووللری، نظرده توتیلگن لایحه اساسیده کیلگوسی اوچ ییلگچه 1 میلیون کیشیگه ایش جایی یرهتیلهدی دیگن.
رسمیلرنینگ ایتیشیچه، لایحه بازارتاپیش نینگ ینگی بیر شیوهسی اولهراق کیشیلرگه بو شرکتگه خذمتگه آلینیب محصولات ایشلب چیقاره دیگن خصوصی شرکتلرنینگ بازارتاپیش بولیمیده ایش قیلهدیلر.
مدرن میتود شرکتی نینگ باشلیغی احمدنصیر متین، بولر بیرینچی 6آیده 15 مینگ کیشی و 3 ییلگچه بیر میلیون کیشینی ایش جایی بیلن تامین قیلیشلرینی تیلگه آلگن.
جناب متین کوره، مذکور شرکت هر بیر خادمگه آییده 7 مینگ افغانی معاش بیره دی شونینگدیک آیلیک یانیده باشقه امتیازلرنی هم انابتگه آلگن.
عین حالده جناب متین، ایشگه آلینه دیگن شخصلرنینگ ایش ییریگه کیلیشی حتمی ایمس؛ فقط حیات کیچره دیگن محل همده تحصیل جریانیده توریب هم شرکتلر بیلن علاقهده بولیب خذمت قیله آلهدیلر دیدی.
ساحه نینگ متخصصلری اوشبو لایحهنی خوش قرشیلهگنلر.
اقتصادی ایش بیلرمان سیفالدین سیحون نینگ سلام وطندارگه ایتیشیچه، اوشبو اداره یوز ده یوز 1 میلیون کیشینی ایش بیلن تامین قیلیشگه موفق بولمهگن حالده، ایش آرتیدن توشگنلر قابلیتینی آشیریش اوچون کتّه کومک قیلهدی دیگن.
