بوگون (دوشنبه) کابلده خبر بیر ییغین اوتکزگن ایچکی ایشلر وزیرلیگینینگ مخدره مادهگه قرشی کورهش اورین باسری بازمحمد احمدینینگ ایتیشیچه، مملکت جنوبشرقی و جنوبغربیده اوتکزگن عملیاتلری جریانیده، مافیا تشکیلاتلری و طالبلرگه تیگیشلی مخدره ماده ایشلب چیقارهدیگن ایشخانهلرنی نشانگه آلگنلر و بونگه قوشیمچه، اوتگن 13 ییلده اینگ کوپ مخدره مادهنی کشف ایتگنلر و بونی اینگ کته یوتوقلریدن بیری دییدی. اونینگ ایتیشیچه، اوتگن ییللرگه نسبَتن اولرنینگ کشف و قولگه کیریتیشی 90% میزانی آشگنینی کورستهدی.
جناب احمدیگه کوره، پکتیا ولایتی احمدآباد منطقهسیده، اولرنینگ ینگی بیر عملیاتیده مخدره ماده ایشلب چیقاریلهدیگن 44 ایشخانهنی بوزگنلر و بو ایشخانهلردن قولگه کیریتیلگن 191.2 تُن مخدره مادهنی اوتگه یاندیرگنلر.
ایچکی ایشلر وزیرلیگینینگ مخدره مادهگه قرشی کورهش اورین باسرینینگ ایتیشیچه، قولگه کیریتیلگن مخدره ماده بهاسی مملکتدن تشقری، یریم میلیارد دالردن کوپ بولهدی ایکن.
شونینگدیک، بوندن آلدین، مخدره مادهگه قرشی کورهش وزیرلیگی و بیرلشگن ملتلر تشکیلاتینینگ جنایتلرگه قرشی کورهش دفتری، مخدره ماده توغریسیده گزارش ترقهتگن ایدیلر و بو گزارشده مخدره ماده ایشلب چیقاریلیشی و ایکینی 43% میزانی آشگنی ایتیلگن ایدی.
