مملکت شمالیده جایلشگن فاریاب ولایتی نینگ محلی رسمیلری، اوتگن کون ولایت بویلب آغیر قار یاغیش نتیجهسیده 25 انسان حیاتدن کوز یومیب و 6 کیشی تن جراحتی آلگن لیگینی معلوم قیلدیلر. رسمیلر، اوشبو آغیر قار یاغیش نتیجهسیده پشتونکوت، اندخوی، قرمقول، بلچراغ و دولت آباد تومنلریده نیچه چوپان داخل 30 انسان دَرک سیز یوقالگن دیدیلر.
بوگون ولایتده اوتکزیلگن خبری انجمنده گپیرگن فاریاب پولیس قوماندانلیگی نینگ خوفسیزلیک آمری میرامانالله ظافر، میمنه و خواجه سبزی پوش تومنی یولیده قارده قالگن چمهسی 70 موتر ملی کوچلر همکارلیگی بیلن قوتقزیلگن لیگینی بیلدیرگن.
شونینگدیک جناب ظافر، هوا نینگ حددن ساووقلیگی سبب بیر مینگ قاره مال اولیب و چمهسی 4 مینگ قاره مال درک سیز یوقالگن دیگن. قرمقول تومنیده بیر قنچه یشش اوی قار آستیگه قالیب بوزیلیب کیتگن لیگی ایتیلهدی.
.jpg)
فاریاب پولیس قوماندانلیگی نینگ مسووللری، شاشیلینچ حالتلر ینه طبیعی حادثهلرگه قرشی کورهش کمیته واقعهده زیان کورگنلرگه یاردم ییتکزیب بیریش اوچون تیارلیک کوریلگن دیگن.
اوتگن کون ولایتده یاققن قار سابقهسی بولمهگن لیگینی تیلگه آلگن رسمیلر، شهرده 70 سانتی متر و اطراف تومنلرده ایسه بیر متردن کوپراق قار یاققن لیگینی چمهله گن دیگنلر. کوهستان تومنلردن تشقری باشقه ولسواللیکلرنینگ عمومی یولی ترافیک یوزیگه آچیق دیدی مسووللر.
باشقه تاماندن هرات ولایتدهگی قلین قار اونلب یییش اوی و یوزلب جریب ییرنی سوو آستیگه قالدیرگنلیگی ایتیلهدی. مملکت غربیدهگی ظفر 207- قول اورد قوماندانی امین الله مبین گذره تومنیده سوو تاشقینی نتیجهسیده اوز ییش اوی جایلردن آواره بولگن 500 خانهدان ملی اوردو حربیلری همکارلیگی بیلن فاجعهدن قوتقزیلگنلر دیگن.
.jpg)
بار یوقلرینی سوو تاشقینی آلیب کیتگن عایلهلر حکومتدن کومک طلب قیلگنلر.
هرات طبیعی حادثهلرگه قرشی کورهش اداره نینگ باشلیغی عبدالحمید مبارز حمیدی، زیان کورگن خانه دانلرگه یاردم ترقهتیب بیریش جریانی باشلنگن لیگیدن خبر بیرماقده. او، مذکور طبیعی واقعه ده بیر گودک قربان بولگن دیدی. لیکن، ولایت والیسی نینگ سوزلاووچیسی ایسه سوو تاشقینی نتیجهسیده ایکّی کیشی عالمدن اوتگن دیگن.
هرات طبیعی حادثهلرگه قرشی کورهش اداره نینگ دستلبکی حساباتلرده گذره، پشتون زرغون، کهسان، غوریان، کرخ و نجیل تومنلریده اونلب اوی و مینگلب جریب ایکین ییر سوو آستیگه قالگنی قید ایتیلگن.
