افغانستان جمهورلیک ریاست سوزلاوچیسی صدیق صدیقی نینگ ایتیشیچه، جمهور رئیس غنی تشقی ایشلر وزیرلیگی نینگ سرپرستی محمدحنیف اتمر دن ایران نینگ یزد شهریده موتر اوت آلگنی باعث جان بیرگن افغانستانلیک مهاجرلرنینگ واقعهسی ایکی مملکت نینگ دیپلماتیک مرجعلری آرقهلی جدی شکلده تیکشیریلیشینی سورهگن.
صدیق صدیقی نینگ اوز توییتر صحیفهسیده یازیشیچه، جمهور رئیس بو سوزلرینی بوگون «دوشنبه، 19- جوزا» کابینه ییغینی نینگ باشلهنیشیده بیان ایتگن.
افغانستانلیک مهاجرلر منیلگن موتر اوتگن «چهارشنبه، 14- جوزا» ایران نینگ یزد شهریده مذکور مملکت نینگ پولیسلری تامانیدن آتیلگن اوق نتیجهسیده اوت آلگن و نتیجهده 3 کیشی هلاک و باشقه 5 کیشی یرهلنگن.
افغانستان تشقی ایشلر وزیرلیگی نینگ اوتگن کون اعلان قیلیشیچه، یزد شهری نینگ محلی رسمیلری ایران بوییچه افغانستان ایلچیسی گه بو واقعه عامللری ایران نینگ عدلی و قضایی ادارهلری تامانیدن قانون اساسیده تیرگاوگه آلینیشی توغریسیده سوز بیرگن.
