بوگون "یکشنبه" جمهورلیک ریاستی ایکینچی اورین باسری سرور دانش نینگ عیاللرگه قرشی زورهوانلیک خصوصیده ادارهلرنینگ هماهنگلیک ییغینیده ایتیشیچه، قطار کیشیلر سیلاو کمپاینی و یا-ده شخصی و سیاسی قرشیلیگی سبب، عقدهی حرکت قیلیب حکومت تیمیگه قرشی اهالینی شبعهگه سالهدی.
جمهورلیک ریاستی ایکینچی اورین باسری نینگ ایتیشیچه، جنایت و قانونگه قرشی حرکت قیلیش شخصی بیر عمل دیر و هرکیم نینگ اوز قیلگن ایشی خصوصیده جواب قیتریشی کیرهک.
بو ییغینده مملکت باش قارهلاوچیلیک باشلیغی فرید حمیدی نینگ ایتیشیچه، جنسی زورهوانلیککه قرار تاپگن عیاللر، عدلی و قضایی ادارهلرگه مراجعت قیلسینلر و اولرنینگ دوسیهلری تیکشیریلهدی.
دولتی ادارهلرده عیاللردن جنسی استعمال ایتیلیش موضوعسی ینگی ایمس، بیراق جمهورلیک ریاستی نینگ سابق مصلحتچیسی حبیبالله احمدزی تامانیدن مطرح ایتیلگنیدن سونگ، میدیالرگه قیزیق موضوعلردن بیریگه اوزگریلدی.
ینگیلیکده دولت سابق ایشلاوچیلریدن بیرقطاری خلق ارا میدیالریدن بیری بیلن صحبت اوتکزیب حکومت یوقاری مرتبهلی رسمیلری تامانیدن جنسی تقاضا ایتیلگنی سبب، ایشلرینی قوییب یوبارگنینی ادعا قیلگنلر.
