.jpg)
هلمندلیک بیر قنچه مدنی فعاللر اداری فساد تیکشیریلیشی اوچون کمیسیون قوریلگن لیگیدن خبر بیرگنلر. خلق ارا فسادگه قرشی کورهش کونی مناسبتی بیلن ییغین اویوشتیرگن هلمندلیک بیر قنچه مدنی جماعهچیلیک فعاللری، اوشبو کمیسیون اخیرگی اون بیش ییل آقیمدهگی اداری فسادنی تیکشیریب باشقه ادارهلر بیلن شریک ایتیهدی دیگنلر.
هلمند مدنی جماعهچیلیک ادارهسی نینگ باشلیغی سردارمحمد، مذکور کمیسونگه ولایتدهگی ایریم ساحهلرده فعالیت قیله دیگن28 تشکیلات نینگ نمایندهسی اعضالیک قیلهدی دیدی. عین حالده، بو کمیسیون تیکشروو نتیجهسی کتاب شکلیده باسیب چیقاریشدن علاوه قولگه کیریتگن معلوماتنی امریکه نینگ افغانستاندهگی قیته قوریش لایحهلرنی تیکشیروچی اداره «سیگار» و باشقه خلق ارا ادارهلر اخیتاریگه قویشلری ایتیلهدی.
بو کمیسون ایرکین روشده عمل قیلیشی اوستیده تاکید قیلگن جناب همدرد، سونگی اون بیش ییل جریاینده فسادگه قول اورگن شخصلرنینگ نامی فاش ایتیلیشی اوستیده علیحده تاکید قیلگن.
.jpg)
هلمند مدنی جماعهچیلیک ادارهسی نینگ باشلیغی، اخیرگی نیچه ییل دوامیده والیلر، ملی امنیت رییسلری، پولیس قوماندانی و شهردارلر ییریک فسادگه قول اورگن لیکلرینی ادعا قیلگن. لیکن، بو کیشیلر عدلی و قضایی ادارهلرگه تانیشتیریلیش اورنیده دولت نینگ یوقاری لوازمیگه ایریشگنلر دیدی جناب همدرد.
هلمند ولایتیده ییریک فساد موجودلیگینی تصدیق ایتگن افغانستان جمهور رییسی نینگ مصلحتچیسی قمرالدین شینواری، ولایت نینگ سابق بلند مرتبهلی رسمیلری، ییر ترقهتیب بیریش بهانهسی بیلن 1800 کیشیدن پول قولگه کیریتگنلر دیگن. لیکن، بولرگه هنوزگچه هم ییر ترقهتیب بیریلمهگن. او، کمیسیون اعضالریدن فسادگه قولی بولگن شخصلر تانیلیشینی طلب قیلگن.
هلمند ولایتی نینگ والیسی حیاتالله حیات، اداری فسادگه قرشی کورهش بولیمیده ولایت نینگ مدنی جماعهچیلک فعاللری بیلن جدی شکلده همکارلیک قیلیشدن سوز بیرگن. شونینگدیک ولایت نینگ سابق امنیه قوماندانی و شهرداری فسادگه قولی بارلیگی سبب باشقره لاوچیلیککه تانیشتیریلیشینی ییریک موفقیت دیگن ولایت والیسی.
