کنر ولایت کینگشی باشلیغی ولایتخان موشوانینینگ ایتیشیچه، اوتگن کیچه ساعت 3 اطرافیده، قوراللی طالبلر مذکور ولایتنینگ اسمار تومنی دمبر و خانان قیشلاقلرینی قمراوگه آلیب و بیر ملک شامل 8 کیشینی اوزلری بیلن آلیب کیتگن.
ولایتخان گه کوره، قوراللی طالبلر بوندن آلدین، منطقه اهالیسیگه دولت گه همکارلیک قیلیشدن وازکیچیشلری توغریسیده آگاهلنتیرگن ایکن؛ بیراق رد جواب آلگنلریدن سونگ، اوتگن کیچه آدم اوغیرلشگه قول اورگن.
اونینگ ایتیشیچه، طالبلر تینچ اهالینی اوزلری بیلن آلیب کیتگنیدن سونگ، امنیتی کوچلر عکسالعمل بیلدیرگن. ولایتخان نینگ ایتیشیچه، اوغیرلنگن کیشیلردن بیرقطاری دولت ایشلاوچیلری دیر.
اوشبو واقعهنی تصدیقلگن کنر خوفسیزلیک قومندانی حقنواز حقیارنینگ ایتیشیچه، اوغیرلنگن کیشیلر قوییب یوباریلیشی اوچون قومی سوزلشوولری باشلنگن و بو کیشیلر قوییب یوباریلیشی ممکن.
قوراللی طالبلر حاضرگچه بو توغریده فکر بیلدیرمهگن.
