سیلاو ناظرلری جمهور رییس، اجراییه رییسی و ستره محکمه گه آچیق نامه یوللشلری بیلن تنلاو کمیته ایشی باشلهنیشیگه تأکید قیلهدیلر. بوگون اوشبو نهادلر رسمیلری کابلده بیر خبری انجمن آلیب ایتیشلریچه، تنلاو کمیته طرفسیزلیکنی اسرهب، سیلاو کمیسیونلریگه مسلکی و صادق اعضالر تعیین ایتیشلری لازم.
افغانستان سیلاولری تینقلیک بیلن اوتکزیش نهاد (تیفا) نینگ برنامهلری باشلیغی نعیم اصغری نینگ ایتیشیچه، اوتگن ییللرده کته هزینهلر بیلن قولگه کیلگن ظرفیتلر قولدن کیتگن و پارلمانی سیلاوی تیارگرلیک کوریلمسدن بولیب اوتیشی ناممکن بولگن.
اونگه کوره، پارلمانی سیلاونی اوتکزیشگه تیارگرلیک کوریش سیلاو ایرکین کمیسیونی نینگ بتفصیل برنامهلری بولمهگن صورتده معنی سیز بولهدی و حاضرگی وضعیتگه قرهگنده، حتی 1396 ییل بهاریده هم سیلاونی اوتکزیش ممکن ایمس.
شو بیلن بیرگه تیفانینگ باشلیغی نعیم ایوبزاده نینگ معلوم قیلیشیچه، حکومتگه سیلاونی اوتکزیش کوچی قالمهگن؛ سیلاو کمیسیونلریده متخصص انسانلر قالمهگن و اوشبو کمیسیونلر دفترلری یاپیلگن.
جناب ایوبزاده نینگ کوپهیتریشیچه، سیلاو بولیب اوتیش زمانی کیینگه توشیب قالیش دلیلی، حکومت ایچیده بولگن شخصلر حاضرگی پارلمان و ولایتی کینگشلر وضعیتیدن فایدهلنه دیلر و سیلاو بولیب اوتیشینی ایسته میدیلر.
سیلاودن نظارت قیلهدیگن نهادلر حکومتدن دسلبکی پارلمان و تومنلر سیلاوینی اوتکزیب، اوندن کیین تقنینی فرماننی کیلگوسی کینگشگه یوباریب، سیلاو نظامی، سیلاو قنقه بولیب اوتیشی، سیلاو حوزهلری و برقی سیستمهلردن فایدهلنیش بارهسیده تصمیم آلیشلرینی سورهیدی.
