بامیان ولایتینینگ یشاوچیلریدن مینگلرچهسی، کابل- بامیان قتناو یولیده ناتینچلیک، آدم اوغیرلش و قورشاوگه آلیشلر میزانی آشگنیگه قرشی ناراضیلیک بیلدیرگنلر.
اوشبو ناراضچیلرنینگ ایتیشیچه، بیر آیدن بویان، پروان ولایتینینگ غوربند درهسیده، مرکزی ولایتلر اینیقسه بامیان یشاوچیلریدن کمیده 30 کیشی اوغیرلنگن؛ بیراق حکومت، اوشبو یول امنیتی تأمینلنیشی خصوصیده، بی فرق یاندهشهدی.
مملکت قتناو یوللریدن آدم اوغیرلش مسئلهسی اوتگن ییل حوت آیینینگ 4 ده، زابل ولایتیگه تیگیشلی کابل- قندهار قتناو یولیدن 31 یولاوچی داعش گروهی تامانیدن اوغیرلنگنیدن کیین باشلندی و حاضرگچه مملکت بویلب قتناو یوللرده ناتانیش قوراللی کیشیلر و تروریستی گروهلر تامانیدن اونلرچه آدم اوغیرلش قضیه یوزبیرگن.
اولرنینگ ایتیشیچه، «امنیت بیزلرنینگ حقیمیز» و افغانستان حکومتی پروان بیلن میدانوردکدن اوتهدیگن کابل- بامیان ایکی قتناو یول امنیتینی تأمینلشگه مسؤول دیر.
ناراضچیلر، بامیان محلی حکومتی و مرکزی حکومت رسمیلریدن، بامیان یولینی تأمینلش اوچون، جدی چاره تدبیر کوریشلرینی سورهگن.
بامیان شهرینینگ دکاندارلریدن بیری صمدعلینینگ ایتیشیچه، اَبهسی بیلن اَبهسینینگ اوغلی اوتگن هفته (سهشنبه کون) کابلدن بامیان تامان کیتهیاتگن چاغیده، پروان ولایتینینگ سیاهگِرد تومنیده اوغیرلنگن. اونگه کوره، اولر اوغیرلنگنیدن بیر کون کیین، آدم اوغیرلاوچیلر، اولرنینگ عایلهسی تلیفون علاقه قوریب و ایکی کیشینینگ قوییب یوباریلیشیگه 300 مینگ دالر ایستهگن.
گزارشلر اساسیده، بامیان ولایتینینگ شیبر تومنی یشاوچیلریدن 4 کیشی آلتی آی آلدین، قوراللی کیشیلر تامانیدن، پروان ولایتینینگ شیخعلی و غوربند تومنلریگه تیگیشلی منطقهده اوغیرلنگن ایکن، سونگی کونلرده 80 مینگ دالر بدلیگه قوییب یوباریلگن.
بامیان ولایتینینگ، دینی عالملریدن بیری سجاد محسنی، مذکور ولایت محلی حکومتیدن تنقیدقیلیب، پولیس قومندانلیگی، ملی امنیت و محلی اداره رسمیلرینینگ امنیت تأمینلنیشی خصوصیده، بی فرق یاندهشیشگه عیبلهیدی.
